Blasi Sturka 44:2 - DAWAN BÎLA AISKA

² Bara yang kapki silbar ni daukan kapka ba, muihnika sirpi ba surunka ra mangks; bara plun atkan lalahka ba sin kli surunka ra mangki yas. Bara utla pura wihtka ba, Josep adarka dîa daukaia win ba kat daukan.

Blasi Sturka 44:2 ပူးပေါင်းရင်းမြစ်များ

Blasi Sturka 42:20

Bara baha ningkara man nani muihkam sirpi ba yang ra bri bal, bara baku yang nani kaikamna man nani sturi rait aisisma ba. Baha daukras sma kaka, man nani pruma. Bara baku daukaia witin nani âu win.

Blasi Sturka 42:25

Bara baha ningkara ai uplika nani ra adar yaban, wala nani ba surunka nani ra plun auhbia bara plun mana aibapan lalahka ba sin, kumi bani surunka bilara kli mangkbia, bara yabal ra pi waia pata sin yabia. Witin nani ra daukaia win ba baku daukan.

Blasi Sturka 43:32

Witin nani tibil kum ra, Josep piaia pata baman kahban, bara muihnika nani piaia pata ba lika tibil wala ra kahban. Bara Idsip uplika nani Josep wal plun piaia paiwan ba pata sin, tibil wala ra kahban. Kan Idsip uplika nani lâka ra, lâ apia kan witin nani Hibru nani aikuki asla iwi plun piaia.

Blasi Sturka 44:1

Plun ba sut pi luan ba ningkara, Josep ai watla pura wihtka ba ra win: —Naha waitnika nani surunka ba, witin nani nahki brih waia sip ba praiska ba kat plun auhbi yas. Bara witin nani kumi bani plun atkan lalahka ba sin, kli surunka ra mangki swima.

Blasi Sturka 44:12

Bara wihta ba surunka kumi bani ba bilara kâp ba plikan, muihnika almukka surunka ba wina, muihni sirpika surunka ba kat. Bara Benjamín surunka bilara kâp ba bâra kan sakan.

Blasi Sturka 44:3

Josep sin adar win, yu nan baiwbia ra, titan pali ba ra, ai muihni nani ba ai dukia nani, ai daiwra nani ba bri mahka impakbia.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

2 Korint 8:8

Yang naha na adar baku pali lika man nani ra mai wiras; sakuna want sna upla wala nani diara karna dauki ba man nani kaikaia, bara praki kaikma man nani latwanka lâka ba aitani kat brisma sapa.

Kli Smalkanka 13:3

man nani bîla walpara. Kan Dawan Gâdkam man nani ra traikam kaikaisa man nani ba kupiam aiska bara sulkam aiska kira witin ra latwan kaikisma sapa.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.