Blasi Sturka 44:16 - DAWAN BÎLA AISKA

¹⁶ Juda witin ra win: —¿Yang nani pana man ra dîa mai wimna ki? ¿Yang nani pâtkas na tânka ba nahki aisi param sakamna? Yang nani watawiki lâka ba Dawan kaikan. Bamna nanara yang nani sut man mihtam ra sna; albikam nani takri sa, ya man kapkam bri kan ba aikuki alba sna.

Blasi Sturka 44:16 ပူးပေါင်းရင်းမြစ်များ

Blasi Sturka 37:7

Yawan nani sut insla ra kan kaikri, bara yawan plawar mâ dakbi kiaubi wilki kan, bara yang kaiki kapri, yang plawarki mâ kiaubi wilkri ba, ai mina ra tit bûi tatwa ban bâra kan, bara man nani klubankam ba sin tatwa buan, sakuna yang plawarki mâ klubanka ba mawanra bawi kulkanka yabi kan.

Blasi Sturka 37:9

Baha ningkara Josep kli yaprisauhkan wala kum kaikan. Baha sin witin kli ai muihni nani ra bal baha tânka ba win: —¿Man nani nu sma ki, yang kli yaprisauhkan wala kaikri ba? Yang kaikri lapta, kati bara slilma nani 11 yang maiwanra bawi kulkanka aiki kan.

Blasi Sturka 44:17

Sakuna Josep kli win: —Man nani aisisma ba baku lika apia sa. Sakuna ya kapki bri kan ba, baha uplika baman albiki takbia. Man nani wala nani sut lika pât luha banhwisma, bara sip sma kupiam kumi mahka aisikam ra waia. Upla kumi sin trabil mai munbia apia.

Blasi Sturka 44:32

Baha mita tukta ba rayaka dukiara aisiki ra yang pramis takri ai rayaka ba main kaikaia. Yang sin wîri: ‘Muihki sirpi na kli bri sal maikras kamna kaka, yang lika man mamwanra pâtkira kamna rayaki yua nani sut ra.’

Blasi Sturka 44:9

Mâsa, man ya pali surunka bîla wina baha kapka ba sakuma kaka, baha uplika lika pruaia kabia; bara yang nani sut sin man albikam takamna.

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

Esdras 9:10

“Sakuna nanara, Dawanki, ¿yang nani dîa aisamna ki, naha daukanka nani yang nani daukri ba? Kan man lâmka daukaia wiram ba kat yang nani daukras,

Esdras 9:15

“Dawan Israel Gâdka, man kasak wapni pali sma, ban pât nani tilara man mita daukram, yang nani dakni lupia kum naiwa yua kat kau ban raya kaia, baku yang nani naiwa nâra sna. Yang nani sika pâtkira sna, man kaikisma; baha mita lamamra kaia sip apia banhwisna.”

Job 40:4

¿Dîa pali yang bui man ra aisamna ki, kan yang na diara bahki sna na? Kanra yamni sa yang sâp kamna.

Sins Lâka 17:15

Watawikira ra padin munisa, bara kasakkira ra pât ra lakisa. Baha diara wâl ba sika, Dawan bui sip kasak yamni kaikras.

Sins Lâka 28:17

Ya upla kum upla wala iki si plapi ba, plapi takaskbia apia witin sin raiti bilara aimakbia ba kat: ¡upla kumi sin baha takaskbiara!

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 5:3

Jerusalem ra bara Juda ra iwi uplika nani, nanara man nani lâ dauks ya pât bri ba, wainki nasla ba pâtkira sa, apia kaka yang.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

Luk 12:2

Diara pura bikan ba âpu sa sip param sakras kabia ba; diara yukukan ba sin âpu, upla kaikras kabia ba.

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

Kli Smalkanka 25:1

“Upla nani unsaban bâra sa kaka, wihta nani mawanra balbia, bara wihta nani mita param sâkbia pâtkas ba, bara pâtkira ba pât ra laki swibia.

Jasua 7:1

Sakuna waitna kumi bâra kan, Juda taika tila wina, nina ba Acán, Carmí luhpia waitna, Zabdí mulika bara Zérah snawika. Diara nani sut sauhki tikaia kan ba tila wina witin diara nani ba brin, bamna baha daukan ba tâka Israel luhpia nani sut Dawan mawanra pâtkira kulkata, kan Dawan bui witin nani ra pat kasak win kata diara sut sauhki tikaia. Baha tâwan, Dawan kupia baiwanka ba witin nani mapara balan.

Jasua 7:18

Bara Zabdí watla bîla uplika ba wina, waitna nani ba kumi taki wan, bara Dawan Acán kat marikan Carmí luhpia waitna, Zabdí mulika bara Zérah snawika, Juda kiamka tila wina waitnika ba.

Wihta Nani 1:7

Bara Adonisédec aisin: “Yang bui pat king nani 70 mihta bara mina wihtka nani ba klaki dakbri sa, bara yabri witin nani tibilki munhtara plun yuyaka nani wahbi pi kan. Sakuna nanara yang wala nani ra dîa munri ba baku, Dawan sin yang ra ai daukan.” Bara witin nani bui witin ba Jerusalem ra brih wan, bahara witin pruan.