Blasi Sturka 43:34 - DAWAN BÎLA AISKA

³⁴ Bara Josep witin ai tibilka ba wina witin nani ra plun yaban. Sakuna Benjamín ra kau plun ailal yaban, wala nani ra baku praiska yabras kan. Witin ai muihni nani aikuki plun pi bara diara di lilia pali takan.

Blasi Sturka 43:34 ပူးပေါင်းရင်းမြစ်များ

Blasi Sturka 35:24

Raquel wal baikan nani ba Josep bara Benjamín.

Blasi Sturka 45:22

bara kwala raya sipan nani sin dimaia yaban. Benjamín ra lika silbar mâ 300 bara kwala sin matsip yaban.

2 Samuil 11:8

Baha ningkara win ai watla ra wabia bara ai mina sikbia. Urías nan king watla wina taki wan ba ra, king ba ai prisantka plun pain kum blikan;

Sins Lâka 31:6

Wain laya wih laya tahpla sin taiban uplika nani ra bara kupia kriwan nani ra yas dibia;

Smasmalkra 10:19

Plun ba lilia piaia dukia sa bara wain ba sin, rayaka ra lilia yaia dukiara sa, sakuna baha dukiara lalah âpu sa.

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Abakuk 1:6

Bamna kaiks, yang Caldea uplika nani ba war aiklabaia karnika yabamna, witin nani lika upla saura sa, bara piua bani ridi sa kuntri kumi wina kuntri wala kat waia, bara iwras wapi ban kaia, upla wala nani tasbaya ai dukia apia ba dakbi briaia wisi.

Matiu 11:19

Baha ningkara, Upla Luhpia Waitna ba balan, witin plun pîsa diara sin dîsa, bara witin nani aisisa bîla maihsira bara diara dadira, Rom ra yaia lal mana wawahbra nani kulkanka saura bri uplika nani ba pânika. Sakuna Gâdka sinska lâka ba ai daukanka nani bâk latan marikisa.”

Jan 2:10

bara naku win: —Upla nani sut ba, wain pain ba pas tâura uplika nani paiwan ra yui dakakisa, bara baha nani manis din bâra lika, wain karna apia ba dakakisa. Sakuna man lika, wain kau pain ba alki takaskram bara nanara kat sakisma.

1 Samuil 1:5

Ana ra witin latwan pali kaiki kan bamna, dîa witin ra yabaia kan bâk saki yan, Dawan bui witin ra luhpa yaras kan sakuna.