Blasi Sturka 43:30 - DAWAN BÎLA AISKA

³⁰ Josep witin kau sip ai kupia priski briras kan, alai inan daukan. Bamna plapi ai rumka ra wih diman, bara bahara ai durka praki ban ai bîla baikra saki inan.

Blasi Sturka 43:30 ပူးပေါင်းရင်းမြစ်များ

Blasi Sturka 42:24

Josep, witin nani tila wina tnaya ra tawi bara ini si kli tawi balan ai muihni nani ra. Bara baha nani ra sturi aisin, bara ai mawan nani kat, Simian ba alkan bara adar yaban priskaia.

Blasi Sturka 45:2

Bara witin ai bîla tara karna inan. Latara Idsip uplika nani sut bâra kan ba walan witin inan ba. Bara baha sturka, king fero watla bîla kat sin walan.

Blasi Sturka 46:29

Bara Josep ai albika nani ra win, ai waginka ridi daukbia witin ai aisika aula ba wal prawaia waia ba ra. Witin wih ki ai papika wal prawan ba ra, kiaubi alki brin ai pahpaya ra bara alki aihwa inan.

1 King Nani 3:26

Bara tukta raya yaptika pali ba sari takan ai luhpia ba dukiara, bara king ra makaban: —¡Du pali! ¡Kingki tara, tukta raya ba ikpara! ¡Kau pain kabia naha mairka ra yama kaka! Sakuna mairka wala ba bila: —Apia, aitani sa baku daukan kaia, yang duki apia, man dukiam sin apia. ¡Klaki baiks!

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Apastil Nani Sturka 20:19

Piua bani, bawikira man nani tilamra Dawan warkka dauki kapri, naikra laya saki, traika kaikan manis tilara, Ju nani mita sin ai alki ai munaia luki kan ba tilara.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 20:37

Sut ini kan, bara Pal ra kiaubi alki, kiawalan.

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Pilipai 2:1

Baku bamna, Kraist mita man nani ra tâm baikisa kaka, witin latwanka lâka mita maisam nihkisa kaka, ai Spiritka ba sin man nani wal sa kaka, uplikam ra kupiam pihni brih bara latwan kaikisma ba pain daukisma kaka,

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

2 Timoti 1:4

Namkra laya nani sakram ba sin yang ban lukisna, bara yang bui man ba mai kaikan pali ai daukisa, bara baku mika uya lilia takamna.

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?