Blasi Sturka 43:20 - DAWAN BÎLA AISKA

²⁰ bara witin nani bui witin ra win: —Wihtki, man nu sma bisi yang nani plun atkaia dukiara nâra balri ba,

Blasi Sturka 43:20 ပူးပေါင်းရင်းမြစ်များ

Blasi Sturka 42:10

Witin nani pana win: —Apia, wihtki, apia pali. Yang nani sin man dukiam dadaukra nani sna, plun atkaia dukiara yang nani balri sa.

Blasi Sturka 42:27

Yabal lilara tihmia yapaia pliska ba kat witin nani wan ba ra, witin nani wina kumi ai surunka ba lanhki saki kaikan, ai daiwra plun dakakaia dukiara; bara kaikan witin plun atkan lalahka ba surun bilara kan.

Blasi Sturka 42:3

Bara baku Josep muihnika nani matawalsip ba, Idsip tasbaya ra plawar atkaia wan.

Blasi Sturka 42:35

Baha aisin ba ningkara, witin nani ai surunka ba lanhki plun nani ba yakabi sakan; ai aisika sin bâra bûi kaiki kan. Josep muihnika nani ba kaikan, kumi bani surunka bilara, plun atkan lalahka ba kwala ra wilki mangki swin kan. Baha lalahka ba kaikan ba ra, witin nani sut sirang iwan, ai aisika sin.

Blasi Sturka 43:19

Bamna witin nani utla durka dimaia lama kat wan ba ra, utla bîla wihtka ba lamara wan, sturi aisaia,

Blasi Sturka 43:21

sakuna yabal ra tihmia yapaia pliska ba kat yang nani wari ba ra, surunki nani ba lanhki kaikri bara kumi bani surunka bilara, plun atkri lalahka ba bâra mangkan kan sakri. Lalahka ba, plun mana dîa kulkan ba praiska ba kat kan. Bara lalahka ba yang nani nâra kli bri balri sa man ra maikaia.

Blasi Sturka 43:3

Bara Juda ai papika ra win: —Aisiki, baha waitnika yang nani ra param pali ai win: ‘Man nani muihkam sirpi ba nâra bri balras kama kaka, man nani sin yang maiwanra balpara.’

Blasi Sturka 43:7

Witin nani pana witin ra win: —Kan waitnika ba sika yang nani ra diara tânka ailal makabi wali kan, yang nani dukira, taiya nani dukiara sin. Witin naku yang nani ra makabi walan: ‘¿Man nani aisikam ba kau raya sa? ¿Man nani muihkam wala kau brisma ki?’ Bara yang nani sip kau diara wala lika wiras, tânka ba kat lika aisi banhwaia kapri. ¿Yang nani nahki daira walaia kapri witin naku wan wiaia kan ba: ‘Man nani muihkam sirpi ba yang ra bri bal nâra?’

1 King Nani 3:17

Bara mairka kumi ba bui naku win: —¡Ay, kingki tara! Naha mairka na yang wal utla kumi ra takaskisna, bara yang lika witin wal utla kumi ra katna piua ra luhpa kum briri.