Blasi Sturka 43:18 - DAWAN BÎLA AISKA

¹⁸ Sakuna waitna nani ba sibrin dauki kan, Josep watla ra brih auya kan bamna. Bara ai mânka ai tilara pana pana aisi kan: —Naha na diara kum wan munaia kuninka daukisa. Bisi wan lalahka briras kli wankata ba lalahka tâwan, nâra wan brih aula. Nanara baha lalahka mana wan taya wina sakaisa wan daiwra nani aikuki, wark wan dingki alba baku wan bri kaisa.

Blasi Sturka 43:18 ပူးပေါင်းရင်းမြစ်များ

Blasi Sturka 42:21

Sakuna witin nani ai walka kira pana pana naku aisin: —Yawan nani wan muihni mapara saura pali daukata, kan witin yawan ra ai pura suni makabi kan witin ra baku munbia apia, sakuna yawan lika witin ra umpira kaikras kan bara ai bîla sin briras kan. Yawan kaiki kan witin sari pali aihwa kan, sakuna baha mana sika naiwa naha sarka lâka tara yawan wan purara balan na.

Blasi Sturka 42:27

Yabal lilara tihmia yapaia pliska ba kat witin nani wan ba ra, witin nani wina kumi ai surunka ba lanhki saki kaikan, ai daiwra plun dakakaia dukiara; bara kaikan witin plun atkan lalahka ba surun bilara kan.

Blasi Sturka 42:28

Bara witin ai muihni nani ra win: —Man nani kaiks, yang lalahki kli aikan. ¡Surunki bilara nâra sa! Witin nani sut kasak sirang iwan, sibrin mita tatatwi pana pana aisin: —¿Gâd ba yawan ra dîa pali daukan?

Blasi Sturka 42:35

Baha aisin ba ningkara, witin nani ai surunka ba lanhki plun nani ba yakabi sakan; ai aisika sin bâra bûi kaiki kan. Josep muihnika nani ba kaikan, kumi bani surunka bilara, plun atkan lalahka ba kwala ra wilki mangki swin kan. Baha lalahka ba kaikan ba ra, witin nani sut sirang iwan, ai aisika sin.

Blasi Sturka 43:17

Josep watla wihtka ba witin ra dîa daukaia win ba kat daukan. Witin mita tâ bri waitnika nani ba Josep watla ra brih wan.

Blasi Sturka 43:19

Bamna witin nani utla durka dimaia lama kat wan ba ra, utla bîla wihtka ba lamara wan, sturi aisaia,

Blasi Sturka 44:8

Yang nani plun atkri lalahka surunki bilara kan ba saki Kenan wina kli bri sal maikri kaka, ¿nahki yang nani dawankam silbarka, apia kaka gulka ba, watla bîla wina implikamna?

Job 15:21

Ai kiama ra bin nani wali bara sirang iwisa kasak yukuwan sa luki, bara âimplikra nani mita bal dukia nani implikisa.

Job 30:14

Tnaya kutbanka bâk yabal kumi kwâkan baku sa, yang purira kauhisa bin tara wal.

Lawana Nani 53:5

Bahara witin nani ba, sibri tatatwaia dukia lika âpu sa, sakuna witin nani ba, sibrin ba mita mahka; tatatwaia sa, kan Gâd mita witin waihla nani dusa ba yakaban sa bamna. Ai swira taki banhbia, kan Gâd mita witin ra lulki swibia bamna.

Lawana Nani 73:16

Naha na tânka briaia lukri, sakuna yang maipara karna pali ai munan.

Aiseya 7:2

Baha piua ra naha bîla na blikan, king Ahaz ra bara ai taya nani ra sin wih win: “Siria uplika nani ba, Efraín aikuki asla takan.” King ba ai uplika nani sin baha walan, tatatwi banhwan pâsa krawan unta ra dus nani wauhi ba baku.

Daniel 6:4

Bamna pura kakaira nani bara wihta nani bui yabal kum plikan Daniel ba dahra kwahkaia, baha king tasbaya lâka kulkanka ba wal, ban sakuna Daniel ba waitna yamni kan ba mita, witin ra watawanka kumi sin sakras kan, baha mita dahra kwahkaia dukia diara kumi sin sip sakras kan.

Mark 6:16

Herod naha walan ba ra, naku aisin: —Naha lika Jan sika, yang lal dakbatna ba, bara nanara pruan wina kli buan sa.

Roman 7:8

Saurka ba naha tânka bâk sans brin, bara lâ ba mita yang wîni ra saurka sât sât bal takan, kan lâ âpu kira saurka ba lika diara kum pruan sa.

Kli Smalkanka 22:14

bara unsabi witin sturka saura aisi wisa: ‘Yang naha mairka wal briri, kuna bri wal asla taki kaikri taim pat yabal ra takan kan.’

Kli Smalkanka 22:17

Bara luhpi na sunu apia wisi unsabi dahra sakisa. Ban sakuna, witin nahki kan ba tânka nâra sa.’ Bara krikri ra palkaia kwalka ba almuk nani mawanra palkbia.

Wihta Nani 13:22

bara Manoa ai maya ra win: —Nanara lika yawan prubia, kan yawan wan nakra ni Dawan ba kaikan bamna.

Wihta Nani 14:4

Sakuna ai aisika bara ai yaptika sin baha tânka briras kan, Dawan mita Samson ra baku daukaia mariki bri tauki kan ba. Dawan baku ai yabalka pliki kan ba, baha tâka bâk filisteo nani mapara aiklabaia, kan baha piua Israel luhpia nani ba filisteo nani lâka munhtara taibi bri kan.