Blasi Sturka 43:11 - DAWAN BÎLA AISKA

¹¹ Bara ai aisika pana witin nani ra win: —Natka wala ra diara daukaia yabalka wala âpu sa, bamna man nani naku dauks: man nani surunkam bilara, waitnika ba prisantka kum brih was. Wan kuntrika ra diara kau pain ba dukia nani ba wina bri si yas: wan taya ra aubaia batanka, nasma laya, isint kîa pain ba, sîka, amans mâ nani baku.

Blasi Sturka 43:11 ပူးပေါင်းရင်းမြစ်များ

Blasi Sturka 33:10

Sakuna Jekob pana win: —Apia pali, muihki. Naiwa yawan wal kli prawan na yang ra yamni lukisma kaka, naha prisantka nani na bris. Man mawan kaikri ba ra, Gâd mawan kaikri baku daihra walisna. Man kupiam yamnika lâka tara wal, yamni pali ai brisma bamna.

Blasi Sturka 37:25

Baha dauki si witin nani plun piaia iwan. Bara tisku kan ai nakra buki kaikan, kaiks Ismael kiamka nani daknika tara kum, Galaad wina aula kan ai kiamilka nani ba prahki, isint kîa pain nani, sîka sâtka nani, dus mâka wina saki daukan saika nani wal. Baha nani dukia nani ba wauhi atkaia Idsip ra waia impaki kan.

Blasi Sturka 43:10

Yawan nâra ban wihka naha bîla kaikras kata kaka, pat aima wâl plun atki balan kaia kan.

Blasi Sturka 43:14

Gâd karnika tara sut bri ba, baha waitnika kupia ra munbia man nani ra umpira mai kaikaia. Muihkam Simian silak wina saki maikbia, bara Benjamín sin pri swibia. Yang maipa ra, yang na luhpias baku ban naku takaia win sa kaka, luhpias yakan takaskamna si.

Blasi Sturka 43:15

Bara witin nani prisant sâtka nani brih waia ba brin, lalah kata ba sin brin, kli plun atkaia lalahka ba brin bara Benjamín sin. Bara witin nani mahka Idsip ra wan. Bara witin nani Josep mawanra dimi wan.

Blasi Sturka 43:25

Bara Josep muihnika nani ba, prisant nani bri balan ba blaki ridi daukan, wan lal kat witin balbia ba ra yabaia, kan witin nani pat walan kata dinar pata tara ba witin aikuki iwi piaisa.

Blasi Sturka 43:26

Josep ai watla ra wih diman ba ra, witin nani ba witin ai mawanra bal ai lula kriki, ai lal tasba kat makupan, bara prisantka bri balan ba witin ra yaban.

1 King Nani 10:15

diara wauhi atki uplika nani wina lal man aibapi kan ba lalahka nani, baku sin Arabia kingka nani bara baha tasbaya ra wihta tara nani ba wina sin lalah bri kan ba kulkras kata.

1 King Nani 10:25

Bara witin nani sut wina mani bani diara nani, silbar, gul, prâk nani, aiklabaia dukia nani, kîa painkira nani, aras bara muyul nani sin bri sal ai prisantka yabi kan.

1 King Nani 15:19

“Yawan wal lâ kum daukpi, papikam papiki wal daukan kan ba baku. Kaiks, yang gul bara silbar mai blikisni prisantki; Israel kingka Baasá wal lâ daukram ba mahka swis, baku lika witin kupia kumi ai swibia.”

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

2 King Nani 16:8

Bara Ahaz Dawan tempelka ra bara king watla ra gul bara silbar bâra kan ba brih, Asiria kingka ra prisant baku blikan wan.

2 King Nani 20:12

Baha yua nani ra king Merodac-baladán, Babilon kingka Baladán luhpia ba, witin maisa papakra nani sakan bara blikan wan wauhkataya ulbi bara diara prisantka sin, kan walan Ezequías ba siknis pruaia man sa win bamna, baha kaikaia dukiara.

2 King Nani 8:8

Bara king ba Hazael ra win: —Prisantka kum bris bara was prapit ra. Bara witin ra wis Dawan ra aisabia, yang naha sikniska na wina rawamna sapa.

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Lawana Nani 68:29

Jerusalem, man tempelkam purara ba wina, king nani ai prisantka brih aula,

Lawana Nani 72:10

¡Prisant nani bara lal mana nani bri balbia, Tarsis kingka nani, kî dakura kingka nani wina, Sabá bara Sebá kingka nani sin!

Lawana Nani 76:11

Bamna man nani, Dawan Gâd ra pramis dauks, sakuna aisisma ba kat dauks. Man nani, sîa yabaia aitani sma bara kutbi bri banhwisma ba, ¡prisantka nani bri sal yas!

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Sins Lâka 17:18

Sins luha uplika mita tâ baikisa ai uplika aihwa ra, bara sin wirhika twilki daukisa.

Sins Lâka 18:16

Witin prisant kum brih auya ba mita, dur nani ba sut kwâkuya, bara upla kulkanka bri ba kat auya.

Sins Lâka 19:6

Upla ai kupia swapni bri, ai uplika hilpka ra ai mihta param bri ba, upla sut witin ra pliki baha uplika wal ai uplika takisa.

Sins Lâka 21:14

Sins bri tânka ra prisant yabi ba wan kupia baiwanka kau tara ba sin lamni daukisa.

Yamni Kulki Lawana 4:10

¡Kaiki yamni sa lihki ai munisma ba, yang laikra lupia, wal kut taki mairka! ¡Wal lihki pulanka ba, wain wal kanra damni sa! ¡Bara batankam laya nani kîa painka ba, sîka mâka kîa bri ba sut ba wal kau kîa pain sa!

Yamni Kulki Lawana 4:14

sîka mâka kîa painkira, inta wahia, siprun tangnika wal, klisang sâtka kîa pain bri ba, sinamun wal, awas kîa dusa nani sut sin; sîka mâka tahpla, sîka mâka kîa pain nani kanra yamni ba sut sin.

Yamni Kulki Lawana 8:14

¡Aihni muni yang ra bal, laitwankira waitna, sula baku pâli bas, sula wainhka lupia baku, sîka mâka kîa pain nani bri ba ilka tara nani purara!

Jirimaya 8:22

¿Galaad ra sîka kum pan âpu sa ki? ¿Upla raki uplika kum bâra âpu kabia ki? ¿Dîa muni witin bui yang upliki nani ba rakras sa?

Isikiel 27:15

Rodas uplika nani man wina atkan. Bara sin kabu un ra nisan ailal nani wal wark daukram, elepant napa bara iban dusa wal mai aibapan.

Isikiel 27:17

Baku sin man wina atki kata, Juda bara Israel luhpia nani; bara mai aibapi kan, mint, plawar mâ, nasma, pastil, batana bara yukaia saika nani ni.

Isikiel 27:22

Sabá bara Raamá diara âiatkra nani ba man wina diara âiatkra kata, bara mai aibapi kan, kau sîka kîa pain ni, walpa manakira bara gul ni sin.

Libait Lâka 20:24

Naha kuntrika na yang bui man nani ra maikaia wîri, bamna nanara yang tasbaya na maikamna man nani brima, tialka laya bara nasma sin baha tasbaya ra lî aubi baku sa. “Yang sika man nani Dawan Gâdkam, tawan wala nani wina aihka mai sakri ba.

Apastil Nani Sturka 21:14

Witin sip wan bîla walras kan bamna, yang nani ban swi si, naku wisatna: —Dawan ai kupia lâka ba kat man wal daukbia.

Kli Smalkanka 33:14

man wina mâ kau pain dâkan ba, mâ kau pain katka ba sin.

1 Samuil 25:27

Nanara yang bui man ra puri sunisni, naha prisantka nani bri balri na uplikam nani ra yui yan kabia;

1 Samuil 9:7

Saúl bila: —Ban kaka, kaisa yawan bâra waia. Sakuna, ¿yawan prapit ra prisantka yabaia dukia dîa brisa? Nanara yawan brit pan âpu, prisant yaia dukia diara kum pan âpu.