Blasi Sturka 42:28 - DAWAN BÎLA AISKA

²⁸ Bara witin ai muihni nani ra win: —Man nani kaiks, yang lalahki kli aikan. ¡Surunki bilara nâra sa! Witin nani sut kasak sirang iwan, sibrin mita tatatwi pana pana aisin: —¿Gâd ba yawan ra dîa pali daukan?

Blasi Sturka 42:28 ပူးပေါင်းရင်းမြစ်များ

Blasi Sturka 27:33

Aisak kasak pali sirang iwan bara ai bîla baikra tara aisi, win: —Bamna ban kaka, ¿ya kata witin unta ra wih daiwan iki plun auhni dauki bri sal aikan ba? Man kau balras kapram ba kainamra, yang baha sut pat piri, bara yamnika sin pat yabri, bara witin nanara baha yamnika ba brin.

Blasi Sturka 42:29

Witin nani Kenan ra wan ba ra, ai aisika Jekob ra ai dahra nani ba sut win witin nani ra dîa takan ba. Ba ningkara witin nani ra dîa makaban ba sin win:

Blasi Sturka 42:36

Bara Jekob ai luhpia nani ra win: —Man nani bui luhpi nani sut âpu dauki yang yakan ai swiaisma. Josep nâra yawan aikuki wan tilara âpu sa, Simian sin, ¿bara nanara luhpi Benjamín sin mihti dakbaia lukisma? ¡Bara wirhika kau tara ba yang purira piua bani kahbisma!

Blasi Sturka 43:23

Bara utla wihtka ba pana witin nani ra win: —Man nani kupiam alki bri bas, si bripara. Sip sa man nani Gâdkam, aisikam ba, witin bui man nani surunkam ra lalah ba kli mangkan kaia, plun mana aibapram lalahka ba. Baha aisin bara witin taki wan. Simian witin nani ra bri balan,

1 King Nani 10:5

ai pata piaika ra plun nani pi kan ba, wihtka nani dimaika watla ba, wain tibil ra kahbi nani ba, ai dukia dadaukra nani prâka dimra nani ba, tâ uplika nani ba, bara wîna aiska Dawan watla ra angki kan ba sut kaikan, bara witin tâ iwan.

Lawana Nani 61:2

tasba paski takaskan ba wina man ra winisni, kan kupi ba swapni takisa bamna. Baha walpa pura ba ra ai suni swaki ai sâks;

Yamni Kulki Lawana 5:6

Laitwankira waitna ra yang durka sakri, kuna laitwankira ba witin bâra âpu kan. Witin ba plikri, kuna sip sakras katna; witin ra winri, sakuna yang ra pana ai aisaras kata.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Inanka Nani 3:37

Ahkia piua ra diara kum aisisa ba ra, diara kum takisa ba ra, baha lika Dawan adarka sa.

Libait Lâka 26:36

“Man nani an kra waihlam nani tasbaya ra kau raya bâra kama ba, siarangkira mai daukamni bara dus wahia kauhi ba wali plapi kama. Man nani lukma waihlam ninam blikisa, kuna upla ninam blikras kabia;

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Luk 21:26

Naha diara nani tasba ra takaia ba dukiara luki, upla nani kupia sin lap tiwbia; kan kasbrika purara karnika nani sut nikban kabia.

Kli Smalkanka 28:65

Bara baha nisanka nani tilara man nani iwi kama piua ra, âmyapah ris bri kama apia, kan Dawan mita sirang mai iki kabia ba mita, kupiam wirha sarkam brima bara namkra laya wal kama.