Blasi Sturka 42:21 - DAWAN BÎLA AISKA

²¹ Sakuna witin nani ai walka kira pana pana naku aisin: —Yawan nani wan muihni mapara saura pali daukata, kan witin yawan ra ai pura suni makabi kan witin ra baku munbia apia, sakuna yawan lika witin ra umpira kaikras kan bara ai bîla sin briras kan. Yawan kaiki kan witin sari pali aihwa kan, sakuna baha mana sika naiwa naha sarka lâka tara yawan wan purara balan na.

Blasi Sturka 42:21 ပူးပေါင်းရင်းမြစ်များ

Blasi Sturka 41:9

Baha piua kat king watla ra glas wain ra lalaikra nani pura kakaira ba kupia tanh krawan bara witin king fero ra win: —Yang saura daukri ba nanara kupi krawisa.

Blasi Sturka 44:16

Juda witin ra win: —¿Yang nani pana man ra dîa mai wimna ki? ¿Yang nani pâtkas na tânka ba nahki aisi param sakamna? Yang nani watawiki lâka ba Dawan kaikan. Bamna nanara yang nani sut man mihtam ra sna; albikam nani takri sa, ya man kapkam bri kan ba aikuki alba sna.

Blasi Sturka 45:3

Josep ai muihni nani ra win: —Yang sika Josep. ¿Yang aisiki ba kau raya sa ki? Witin nani sirang tara pali iwan ba mita pana sip diara aisaras kan.

Blasi Sturka 50:15

Jekob pruan bamna, Jekob muihnika nani lukan: “Ban kra nanara Josep witin nani ra misbara kaikbia, witin nani mita witin ra saura munan ba mana, pana witin nani ra kli saura munbia.”

2 Samuil 12:13

Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

Sins Lâka 21:13

Umpira ba wini ba ra ya ai kiama praki ba, baku sin witin hilp brima apia hilp makabia piua ra.

Sins Lâka 28:17

Ya upla kum upla wala iki si plapi ba, plapi takaskbia apia witin sin raiti bilara aimakbia ba kat: ¡upla kumi sin baha takaskbiara!

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 34:17

Baku bamna, yang Dawan sna ba, naku wisni: Man nani ba yang bîli wali daukras, Ju tahkia alba nani ba pri swiras sma; baha ba mita, yang sin war ba pri swiaia sna, siknis nani ba, plun wahwaia ba sin man nani ra balbia king lâka tasbaya aiska ra sibrin tara kabia man nani ra. Yang, Dawan, kasak aisisna.

Jirimaya 4:18

“Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

Mark 9:48

Bahara sika liwa nani ba pruras sa, pauta ami ba sin ban kaia ra sip dasras.

Luk 16:28

bahara yang kau muihki matsip brisna, bara witin baha nani ra wih smalkbia, witin nani sin naha pât wahwan pliska ra balbiara sîa.’

Apastil Nani Sturka 19:18

Baku sin kasak lukan nani ba ailal bal ai dahra sakan, saurka nani piua luan ra daukan ba sut pali.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.

Wihta Nani 1:7

Bara Adonisédec aisin: “Yang bui pat king nani 70 mihta bara mina wihtka nani ba klaki dakbri sa, bara yabri witin nani tibilki munhtara plun yuyaka nani wahbi pi kan. Sakuna nanara yang wala nani ra dîa munri ba baku, Dawan sin yang ra ai daukan.” Bara witin nani bui witin ba Jerusalem ra brih wan, bahara witin pruan.