Blasi Sturka 42:19 - DAWAN BÎLA AISKA

¹⁹ Man nani ba rait upla kasakkira wapni aisisma kaka, muihkam kum silak watla ra swis; bara wala nani ba lika, tamya nani ra plun brih was, bara witin nani sin plun pibia.

Blasi Sturka 42:19 ပူးပေါင်းရင်းမြစ်များ

Blasi Sturka 40:3

Bara waitnika nani ba silak watla ra suldiar kiaptinka ba ra blikan silak ra mangkaia. Baha pliska ra Josep sin silak ra mangkan bâra kan.

Blasi Sturka 41:56

Idsip kuntrika aiska ra plun tiwan ba alkan ba ra, plun watla durka nani ba sut param sakan. Bara Josep win plun ba Idsip uplika nani ra atkaia, sakuna plun tiwan ba yu bani kau tara taki kan.

Blasi Sturka 42:11

Yang nani sut aisa kumi luhpia nani sna. Upla kasak nani sna. Yu kumi sin kau biki kakaira warkka yang nani daukras.

Blasi Sturka 42:18

Sakuna yu yumhpa ba luan ningkara, Josep witin nani ra win: —Yang lika Gâd ra sibrin lukisni. Bamna man nani naha dauks bara pâtkam nani ba ban swih tikan kabia, bara baku raya banhwi kama.

Blasi Sturka 42:20

Bara baha ningkara man nani muihkam sirpi ba yang ra bri bal, bara baku yang nani kaikamna man nani sturi rait aisisma ba. Baha daukras sma kaka, man nani pruma. Bara baku daukaia witin nani âu win.

Blasi Sturka 42:26

Bara Jekob muihnika nani ba, ai pata nani ba ai daiwra nani ra prahki bri, baha wina mahka taki wan.

Blasi Sturka 42:33

Baha wîri ba ra, witin bui yang nani ra ai win: ‘Man nani ba rait aisisma kaka, naha daukma ba wina kaikamna: Man nani tilam wina muihkam kum nâra swis, bara wala nani plun brih wamtla ra wabia, tamya nani dakakaia.

Blasi Sturka 45:23

Ai aisika dukia sin blikan, biriku matawalsip ra prahkan, Idsip ra diara kanra yamni nani bâra bri kan ba dukia nani wal. Bara kli biriku matawalsip ba plun plawar prahkan, brit bara diara wala mahka piaia pata nani ba sin yaban, ai aisika yabal ra pi impakaia pata.

Aiseya 42:22

sakuna naha uplika nani dukia nani ba implikisa, ai mina ra taibisa, witin nani sut tasba unta ra priskan, silak watla nani ra yukuki mangki swin sa, bara upla kumi sin âpu sa, witin nani ba swaki sakaia.”

Aiseya 42:7

Yang want sna nakra yama nakras nani ra bara silak uplika nani silak watla wina sâkma, tihmia tara tilara iwi ba.

Jirimaya 37:15

Bara baha nani Jirimaya ra kasak lawan, blikan bri si wipaia bara silak watla ra mangkaia Janatan sturi âiulbra ba watla ra, baha watla ba silak watla kan.