Blasi Sturka 42:13 - DAWAN BÎLA AISKA

¹³ Witin nani kli pana aisin: —Dukiam dadaukra nani, yang nani muihki nani 12 banhwisna, aisa kumi luhpia nani, Kenan ra iwi banhwisna. Muihki sut sirpika ba lika, papiki wal utla ra takaskisa, bara kau wala kum sa, baha lika yang nani tilira âpu sa.

Blasi Sturka 42:13 ပူးပေါင်းရင်းမြစ်များ

Blasi Sturka 37:30

Bara witin ai muihni nani ra wan, bara witin nani ra win: —Josep liwanhta ra âpu sa. ¿Bara nanara yang dîa daukamna?

Blasi Sturka 42:11

Yang nani sut aisa kumi luhpia nani sna. Upla kasak nani sna. Yu kumi sin kau biki kakaira warkka yang nani daukras.

Blasi Sturka 42:12

Sakuna Josep pana kli witin nani ra win: —Apia, man nani upla kasak apia sma. Man nani lika biki kakaira nani naha kuntrika ra ai swapnika nani bri ba tânka nani ba yu kumi laki kaiki waia balram.

Blasi Sturka 42:14

Witin nani baku aisin sakuna, Josep witin nani aisi kan ba baku, kli aisi witin nani ra win: —Yang pat man nani ra mai wîri. Man nani tasbaya na tânka pliki biki kakaira nani sma.

Blasi Sturka 42:32

Yang nani sin wîri muihki nani 12 brisna, aisa kumi luhpia nani sna, kumi baman lika yang nani wal apia sa, kuna muihki sirpi ba lika man wal Kenan ra takaskan wîri.

Blasi Sturka 42:36

Bara Jekob ai luhpia nani ra win: —Man nani bui luhpi nani sut âpu dauki yang yakan ai swiaisma. Josep nâra yawan aikuki wan tilara âpu sa, Simian sin, ¿bara nanara luhpi Benjamín sin mihti dakbaia lukisma? ¡Bara wirhika kau tara ba yang purira piua bani kahbisma!

Blasi Sturka 42:38

Sakuna Jekob witin nani ra win: —Yang luhpi man nani wal wabia apia. Ai muihni Josep pat pruan, kau witin baman yang wal sa. Yabal ra diara saura kum witin ai mapara daukbia kaka, man nani ba pâtkira kama yang dama takri na, sari lâka tara bri ban pruamna ba ra.

Blasi Sturka 43:29

Josep ai nakra ai tnaya ra kaikan bara Benjamín kat kang kaiki, witin wal aisa kumi yapti kumi muihnika ba, bara win: —¿Naha namna man nani muihkam sirpika ba, witin dukiara man nani sturi nani aisi katma ba? Yang luhpi, Gâd yamni mai munbia. Witin baku aisin ba ra,

Blasi Sturka 43:7

Witin nani pana witin ra win: —Kan waitnika ba sika yang nani ra diara tânka ailal makabi wali kan, yang nani dukira, taiya nani dukiara sin. Witin naku yang nani ra makabi walan: ‘¿Man nani aisikam ba kau raya sa? ¿Man nani muihkam wala kau brisma ki?’ Bara yang nani sip kau diara wala lika wiras, tânka ba kat lika aisi banhwaia kapri. ¿Yang nani nahki daira walaia kapri witin naku wan wiaia kan ba: ‘Man nani muihkam sirpi ba yang ra bri bal nâra?’

Blasi Sturka 44:20

Bara yang nani pana mai wîri, âu yang nani aisiki almuk kumi brisna bara muihki sirpi sin kum kau bâra sa, yang nani papiki almuk pali takan ra muihki lupia ba baikan. Yang nani sin mai wîri papiki ai plasni ba latwan pali sa, yapti kumi luhpia nani ba tila wina kau witin baman kumi ai lamara bri ba mita, kan baha plasni kankika ba sika pat pruan bamna.

Blasi Sturka 44:28

witin nani wina kumika ba, yang laima wina taki wan ba yua wina, witin ai mawan ba yang kli kaikras sni. Yang kasak daira walisna, daiwan wail kum mita witin ba alki kalki yuya sirpi ra dauki pin.

Blasi Sturka 45:26

Bara witin nani Josep kau raya ba sturka, bara Josep sin Idsip tasbaya aiska purara wihta tara mangkan ba sturka sut ba ai aisika Jekob ra win. Bara aisika ba dîa daukaia nahki aisaia sapa sip ai dara walras kan. Baha nani aisin ba, witin sip kasak lukras kan.

Jirimaya 31:15

Dawan ba wisa: “Bîla baikra kum walisa Ramá ra, upla kum inisa sari pali. Baha Raquel inisa, ai luhpia nani dukiara, maisa nihkaia brin daukras, kan pat prui banhwan bamna.”

Inanka Nani 5:7

Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Matiu 2:16

Herod kaikan sinskira nani witin ra kunin munan, bara ai kupia baiwan. Bara adar yaban Betlehem ra bara baha tawanka lamara iwi tuktika waitna sirpi mani wâl bri ba wina ai mâyara ba sut ikaia, sinskira nani bal witin ra win ba piua pali ba kat.

Matiu 2:18

“Ramá ra bîla baikra kum walata, inanka nani bara sarka tara nani ba sin; baha ba Raquel ai luhpia nani pura mata ini kan, upla bui ai maisa nihkaia want apia kan, kan pat sut pruan kan bamna.”