Blasi Sturka 41:14 - DAWAN BÎLA AISKA

¹⁴ Bara king fero bui Josep mata blikan wan silak watla wina saki bri balaia. Witin nani wan aihni pali bara Josep silak watla wina sakan, tâwa klakan, kwala klin yaban diman, bara king mawanra bri balan.

Blasi Sturka 41:14 ပူးပေါင်းရင်းမြစ်များ

2 Samuil 19:24

Mefi-bóset, Saúl luhpia ba sin bal takan, king wal prawaia. Baha yua king taki wan ba wina, witin kli yamni pain tawi balan ba kat, witin ai mina sikbras, ai unmaya sin irbras, ai prâka sin tuskras kan.

2 King Nani 25:29

Naku natka ra, ai prâka silak watla ra dimi kan ba daiki wala dingkan, bara witin wal ai rayaka sut yua nani ra plun pi kan.

Ester 5:1

Lapta yumhpa luan ba ningkara, Ester ba ai kwalka diman bara king watla latka ra diman king ai iwaika rumka ba mawan kat takaski bri kan, dur dimaia tani ba ra kan ba.

Impakan Sturka 10:16

Bara king fero Moses bara Eran wal pat pali paiwan balan, bara witin nani ra win: —Yang saura daukri man Dawan Gâdkam mapara bara man nani mampara sin.

Smasmalkra 4:14

Ban sin wahma ba, naika baha kingka watlika ra, king aimakbia ba, silak watla wina king iwaika kat balan kra, apia kaka umpira ba wina king lâka ra ulan kan, kaikri naha tasba uplika nani bui tâ baikanka yan ba.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Daniel 2:25

Baha ningkara, Arioc mita Daniel ba king Nabucodonosor wal aisaia brih wan, bara win: —Ju nani tasbaya wina alki brih balan ba tila wina, waitna kum sakri man king tara yaprisauhkan kaikram tânka ba mai wibia.