Blasi Sturka 40:20 - DAWAN BÎLA AISKA

²⁰ Yu yumhpa luan ba ra, king fero aisubanka yua ba aimakan kan. Bara witin ai uplika tara nani ba sut aikuki lilia tara kum daukaia win. Bara witin ai uplika nani sut paiwan balan ba mawanra, king fero adar yaban wain glas ra lalaikra nani pura kakaira ba bara brit âiangkra nani pura kakaira ba sin silak watla ba wina saki bri balaia.

Blasi Sturka 40:20 ပူးပေါင်းရင်းမြစ်များ

Blasi Sturka 21:8

Tukta Aisak ba tara takan, bara tiala dakban. Witin tiala dakban yua ba, Ebraham lilia tara kum daukan.

Blasi Sturka 40:13

Yu yumhpa ba bilka ra, king man lâmka ba sut kli laki kaikbia, dîa tâwan silak ra mai mangkan ba. Bara baha ningkara, kli man warkkam taki kapram ba ra mai mangkbia. Bara man kli king fero wainka glaska ba ai mihta ra yabi kama, blasi warkkam bri kapram ba baku.

Blasi Sturka 40:19

Bara yu yumhpa ba bilka ra, king fero man wauhkamtaya nani ba sin saki laki kaikbia dîa tâwan silak ra mai mangkan ba, bara witin adar yabia dus ra mai langki mai ikaia, bara tnawira nani bal mai pibia.

1 King Nani 3:15

Bamna Salaman yapi si kupia krawan buan, bara ai dahra walan baha ba yaprisauhkan kata. Bara witin Jerusalem ra bal Dawan lâka auhbaia watla ba mawanra buan, bara kli wal wan uplika takaia bara aiska angkan ba daukan, ai albika nani sut dukiara pata tara kum sin daukan, sakripaiska kîa yamni ba daukan. Baha ningkara ai albika nani sut dukiara plun tara kum sin daukan.

2 King Nani 25:27

Mani 37, kati 12 bara yua 27 alkan kan, king Joaquín Juda wina ba alki silak ra mangkan ba wina; bamna naha piua ra Babilon ra, Evil-merodac ba king aimakan, witin Joaquín ra uba latwan kaikan bara silak wina sakan.

Ester 1:3

Bara witin king aimakan ba wina, mani 3 luan ningkara, ai warkka uplika nani ra lilia tara pali daukan, Persia wih Media wal tasbaya wihtka nani kau karnakira nani ba mawanra.

Job 3:1

Lâs kat Job ba mahka ai bîla sakan, bara saura aisin witin aisubi takan yua ba mapara.

Lawana Nani 105:19

Dawan bîla ba kat Josep ra traika kaikan bara witin dîa wisata kat aimakan.

Jirimaya 52:31

Joaquín Juda kingka ba priski brih wan yua ba wina kulkan ba ra, baha manka ra kati 12, yu 25 aimakan kat 37 mani alkan. Baha pali manka ra Evil-merodac ba Babilon kingka mangkan, bara witin ai kupia yamnika ba Joaquín ra marikan silak watla wina sakan,

Matiu 14:6

Sakuna Herod aisubanka yua ra, Herodías luhpia mairin ba taki, paiwan uplika nani mawanra dans pulan. Baha ba Herod lilia takan,

Matiu 25:19

“Piua wihka luan ba ra, baha albika nani dawanka kata ba balan, bara witin nani wal mahka kulkan.

Mark 6:21

Sakuna Herodías sans pain kum brin, baha sika king Herod ai aisubanka yua dukiara lilia tara daukaia, plun tara sin daukaia, wihta tara nani, kiaptin nani, Galili uplika tara kulkan nani ba aikuki piaia.