Blasi Sturka 4:10 - DAWAN BÎLA AISKA

¹⁰ Bara Dawan bui witin ra win: —¿Man dîa daukram? ¡Tasba wina man muihkam tâlia bîla baikra ba, yang ra ai winisa!

Blasi Sturka 4:10 ပူးပေါင်းရင်းမြစ်များ

Blasi Sturka 18:20

Bara Dawan bui witin ra naku win: —Sodoma bara Gomora wal uplika nani sturka ba tara pali sa, watawika lâka ba sin tara pali sa.

Blasi Sturka 3:13

Bara Dawan Gâd mairin ra win: —¿Baha dîa man daukram? Bara mairin ba win: —Piuta ba kunin ai munan, ba mita yang dusa mâ ba piri.

Blasi Sturka 9:5

Âu, kasak pali man nani wina tâmlia, rayakam ba mana yang makabamni, daiwan nani bani wina sin makabamni. Upla ai muihni ikbia kaka, witin wina sin rayaka ba mana makabamni.

2 King Nani 9:26

‘Nahwala Nabot, bara luhpia nani tâlia kaikri ba baku, man sin dîa briaia aitani sma ba baha maikamna naha tasbaya ra. Yang, Dawan, kasak aisisna.’ Bamna nanara witin ba alki muni Nabot tasbaya kat bri si lulki swis, Dawan dîa aisin kan ba baku.

2 Kronikas 28:9

Bahara Dawan dahra aisasarika kum bâra kan nina Obed, bara war wina aula nani ba wal prawaia taki wan, Sameria ra dimaia auya kan ba ra witin nani ra win: —Dawan, man nani damikam Dawanka ba, Juda wal ai kupia sauhkan, baha mita baha nani ba man nani mihtam ra mangkan. Sakuna man nani bui kupiam baiwanka saura karna uya iki tikram bara saurkam ba kasbrika purara ba Dawan kat wan.

Job 16:18

Naha lâ sauhkanka lâka na, maipara kasakka lâka daukaia winisa. ¡Tasba, winanki na bikpara!

Job 24:12

Baha nani pât wahwisa tawan wina laihura, ini kira ai tikluka ba sakisa, sakuna Gâd lika ai pura sunra ba walras sa.

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Lawana Nani 72:14

Witin nani ai rayaka ba mana tara sa, baha mita taibi, saura muni nani ba mihta wina swaki sakan kabia.

Lawana Nani 9:12

Kupia kriwan uplika nani dukiara, Gâd ba lukisa; inanka nani ba, witin ai âuya tikras; saura muni uplika nani ra witin klala yabisa.

Lawana Nani 9:13

Dawan, umpira ai kaiks, kaiks misbara ai kaiki uplika nani ba, nahki sairka paski ba; ¡prura getka nani wina ai sâks!

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Kulki Kaikanka 35:33

“Upla âikra nani mita man nani iwaia sma tawanka lâka ba bahki sakaia apia sa; kan upla âikra ba tawan lâka sasauhkra sa; bamna upla âikra kum pura mana aibapaia lâka wala âpu sa.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Apastil Nani Sturka 5:9

Pita bila: —¿Dîa kan man mayam wal lâmka dauki Dawan Spiritka ra traika kaikisma? Kaiks, mayam bri si bikan wahmika nani ba lata wina dimi aula, bara man sin mai brih taki wabia.

Kli Smalkanka 21:1

“Dawan Gâdkam mita man nani kuntrikam maikbia ba ra upla pruan kum bâra sa kaka, sakuna ya mita ikan sapa tânka briras sa,

Hibru Nani 11:4

Kasak lukan lâka mita, Abel ba Gâd ra sakripais kau pain dauki yan Ken yaban ba wal; bara ba mita Gâd mita witin ba upla kasakkira kulki, ai prisantka nani ba brin. Baku bamna, Abel ba pruan sa sakuna, kasak lukan lâka brin bâk, witin kau ban aisisa.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.

1 Samuil 13:11

Sakuna Samuil pana win: —¿Man dîa muni baku daukisma? Saúl pana win: —Yang kaikri upla nani ba ai swih mahka auya kan, bara man sin balaia ai wiram ba piua kat balras kapram bara filisteo nani ba sin kaikri mahka aipaswi kan.