Blasi Sturka 39:9 - DAWAN BÎLA AISKA

⁹ Naha watla bilara upla wala yang wal kau tara wala âpu sa, man baman lika yang mihti ra mai mangkras kan, man sika witin ai maya mairin sma bamna. ¿Yang nahki baha saurka tara ba daukamna bara Gâdki mapara saura daukaia?

Blasi Sturka 39:9 ပူးပေါင်းရင်းမြစ်များ

Blasi Sturka 13:13

Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.

Blasi Sturka 20:3

Sakuna baha tihmika ra Abimélec yaprisauhkan ra kaikan witin ra Gâd balan, bara witin ra win: “Man upla maya brisma, bamna man pruaia sma.”

Blasi Sturka 20:6

Bara yaprisauhkan ra Gâd pana witin ra win: “Âu, yang baha kaikisna man kasak luki, lukankam tâski âpu lâka ra baha ba daukram. Baha mita yang sin mai swiri witin ra kangbras kapram, man bui yang maipara saura daukma apia mata.

Blasi Sturka 20:9

Baha ningkara Abimélec Ebraham ra paiwan balan, bara witin ra win: —¡Kaiks, man dîa pali luki yang ra naku ai daukram ba! ¿Yang na dîa saurka ban man mampara daukri, bara man bui yang purira, kingki tasbaya purara sin, naku saurka tara pali ba bri balaia daukram na? Upla baku diara daukras.

Blasi Sturka 24:2

Yu kumi witin ai albika kum kau almuk kan ba baha ra winan balan, albika ba witin ai dukia nani sut ba main kaiki kan, bara witin ra win: —Yang karniki na ra alki,

Blasi Sturka 39:10

Sakuna mairin ba lika baha walras. Witin yu bani ban Josep ra aisi kan wal krikri ra waia bara ai lamara prawbia, sakuna Josep mairin aisi ba walras baku kan.

Blasi Sturka 41:40

King watla wirhika na man puramra brima, yang tawanki uplika nani sut ba, man dîa daukaia wima ba bîlam walbia, yang baman kau puramra kamna, kan yang na king sna bamna.

Blasi Sturka 42:18

Sakuna yu yumhpa ba luan ningkara, Josep witin nani ra win: —Yang lika Gâd ra sibrin lukisni. Bamna man nani naha dauks bara pâtkam nani ba ban swih tikan kabia, bara baku raya banhwi kama.

2 Samuil 11:27

sakuna witin ai sarka ba luan ba ra, Debit upla blikan mairka ba mata, bara witin king ai watla ra brin ai maya, bara witin luhpia kum baikan. Sakuna Debit daukan ba, Dawan bui yamni kaikras kan.

2 Samuil 12:13

Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

Nihimaya 5:15

Sakuna wihta wala nani yang kainira aimaki kan ba tawan purara wirhika kum; kan yu bani witin nani silbar mâ 40 upla nani wina dakbi kan, baha ba plun piaia bara wain diaia mana saki kan. Baha purkara witin nani wal wark taki nani kan ba mita tawan ra taibi muni kan. Sakuna yang lika baku daukras, Gâd ra sibrin lukisna bamna.

Nihimaya 6:11

Sakuna yang pana wîri: “Yang baku waitna nani ba lika, plapras bara tempel ra sin dimras pruaia apia dukiara. Yang lika tempel ra dimamna apia.”

Job 31:23

Gâd klalka ba yang sîa yabi katni, witin king tara aimaki ba mawanra buaia ba sip apia pali sna.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Impakan Sturka 20:14

“Man marit lâka sauhkpara.

Sins Lâka 6:29

Ya upla maya wal aiblakwi ba, klala luha kabia apia.

Sins Lâka 6:32

Ya upla maya wal tauki ba sinskas lâka sa, ya baha dauki ba ai rayaka sauhki tikisa.

Smasmalkra 7:26

Diara kum wal prawri ba prura wal kau tahpla sa: mairin ai kupia wal warbanka dauki ba, bara ai klahkla wal wilki bri ba. Dawan kupia lâka uplika nani baha wina swakbia saurakira nani ba ai sînka bilara kauhbia.

Jirimaya 28:16

Baha mita Dawan aisisa: ‘Man mai blikisna, âu sakuna tasba wina mai tikaia. Naha mani pruma, kan man aisaram bîla nani ba ni upla nani ba yang maipara buaia daukram.’

Jirimaya 50:7

Waihla nani ba witin nani wal prawan bara pin, ningkara aisin: ‘Yang nani pât apia, kan witin nani ai Dawanka mapara saura daukan, ai pata piaia bri kan ai damika nani bîla kaikanka ba.’

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Libait Lâka 6:2

“Upla kum naha saurka nani dauki ba ai tahkia mapara, Dawan kaikisa ai uplika ra kunin muni aisi ba. Ai uplika witin ra diara kum yaban kan, sakuna pana mana, apia kra diara kum lin munan kan, apia kaka ai uplika dukia implikan, apia kra ai uplika dukia lâ tânka kat wina apia dakbi brin ba ra, baha dukiara kunin aisin kaka,

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Luk 12:48

Sakuna ani albika ai dawanka dîa brin dauki ba tânka briras, bara witin diara nani daukan ba tâwan prukaia aitani kabia, sakuna wiria baman klala yan kabia. Ani uplika ra uya yan ba, baku sin witin wina kasak makaban kabia; bara ani uplika mihta ra diara kasak mangkan ba, witin wina sin kau diara ailal makaban kabia.

1 Korint 4:2

Bamna, dukia dadaukra ba mita latan marikaia sa, witin ba ai dawanka ra kasak sa.

Taitus 2:10

implikbiara, sakuna baha nani ra marikbia, witin nani ba upla pain, kasak lâka sin brisa. Bara baku mika, witin nani dîa dauki ba kat upla nani mita kaiki, Gâd wan Sasakra smalkanka ba painkira sa wibia.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

1 Jan 3:9

Ani uplika Gâd luhpia kaka, witin sip ban saura daukras, kan raya kaia lâka ba Gâd wina yan brisa. Bamna witin ban sip saurka lâka dauki taukras, witin ba Gâd luhpia sa bamna.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.