Blasi Sturka 39:23 - DAWAN BÎLA AISKA

²³ Bara Josep dîa lâ daukan ba kiaptin ba mita kli laki kaikras kata, kan Dawan Josep wal kan bamna, witin diara nani sut dauki ba yamni baman taki kan.

Blasi Sturka 39:23 ပူးပေါင်းရင်းမြစ်များ

Blasi Sturka 39:20

bara witin adar yaban Josep ba alki witin nani bri si silak ra mangkbia, king mita silak ra mangkan ba uplika nani ba tilara swibia. Sakuna ban silak watla ra sin,

Blasi Sturka 39:8

Sakuna Josep baku daukaia brin daukras kan. Bamna pana witin ra win: —Man kaiks, yang dawanki ai dukia nani sut ba yang mihti ra swin sa, nanara yang nâra sna, witin ai lal latwan âpu sa.

Lawana Nani 1:3

Bara baha uplika ba dus kum baku sa, awala lamara mangkan ba, ai piua kat ai mâ saki ba, ai wahia nani ba sin srawras sa. ¡Bara diara sut witin dauki ba, yamni baman takisa!

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.