Blasi Sturka 38:24 - DAWAN BÎLA AISKA

²⁴ Baha takan ba wina kati yumhpa prais luan ba ra, upla nani bal Juda ra win: —Mulam yapti, Tamar waitna wala nani wal taukan bara kwihra tiwan. Juda baha walan ba ra, ai kupia baiki ai bîla karna aisin: —¡Man nani bui witin ba alki latara saki, pauta ra angks!

Blasi Sturka 38:24 ပူးပေါင်းရင်းမြစ်များ

Blasi Sturka 20:3

Sakuna baha tihmika ra Abimélec yaprisauhkan ra kaikan witin ra Gâd balan, bara witin ra win: “Man upla maya brisma, bamna man pruaia sma.”

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Blasi Sturka 20:9

Baha ningkara Abimélec Ebraham ra paiwan balan, bara witin ra win: —¡Kaiks, man dîa pali luki yang ra naku ai daukram ba! ¿Yang na dîa saurka ban man mampara daukri, bara man bui yang purira, kingki tasbaya purara sin, naku saurka tara pali ba bri balaia daukram na? Upla baku diara daukras.

Blasi Sturka 34:31

Witin nani pana win: —¿Witin bui yang nani laikra na mairin urkira kum ra baku kulkaia kata ki?

Blasi Sturka 38:23

Bara Juda pana witin ra win: —Bahamna mairka makaban dukia nani ba ban briras, upla wan lawaska kikaia apia dukiara, yawan baha kat swip. Yang lika ai mana aibapaia guts lupia ba man wal blikri, sakuna witin âpu bara man sip pliki sakras kapram.

2 Samuil 12:5

Baha waitnika mapara Debit ai kupia sauhkan, bara Natán ra win: —Gâd ra swer takisna, baha uplika dukiara, witin baha diara daukan ba lika pruaia aitani sa.

2 Samuil 12:7

Bara Natán bui witin ra win: —¡Baha waitnika ba sika man! Dawan Israel Gâdka, witin naku param pali aisata: ‘Yang bâk mai saki, Israel kingka mai mangkri, Saúl karnika wina sin mai dakbi sakri.

Smasmalkra 7:26

Diara kum wal prawri ba prura wal kau tahpla sa: mairin ai kupia wal warbanka dauki ba, bara ai klahkla wal wilki bri ba. Dawan kupia lâka uplika nani baha wina swakbia saurakira nani ba ai sînka bilara kauhbia.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:6

King Josías yua nani ra Dawan mita yang ra naku ai win: “¿Man kaikisma ki Israel maipara babura ba diara daukan ba? Witin il purara uli dus tara nani munhtara ur taki tauki banhwi kan.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Isikiel 16:15

‘Kuna pramna ra baman kasak lukram, bara kulkankam ra luki, yabal mairka takatma; wînam tara ba ya ya bal lui nani ba ra yabi kapram.

Isikiel 16:25

Yabal tnata bani ra plis nani paski yakabram, bara man pramna ba, yamni kaikaia apia ra lakram, wînam tara ba ya ya bal auya nani sut ra yabisma, baku ur lâka ra iwi kaia.

Isikiel 16:26

Ur lâka ra iwram, lamara iwi nani aikuki, baha Idsip uplika nani ur lâka lihki nani wal, bara yang kupi baikram man daukankam, ur lâka ra iwi katma tâka mita.

Isikiel 16:28

Kuna naha sut wal, âmyapah apia Siria uplika nani wal ur lâka ra waram; bara kau baha sut wal âmyapah takras.

Isikiel 16:41

Wamtla nani ba pauta ni angkbia bara mairin ailal mawanra lâmka daukan kabia. Urkam lâka ba tnata mangkamna, bara kau lilam nani mana aibapma apia.

Isikiel 23:19

Kuna kau ban ur lâka ra taukan, tiara kan piua ra ai kupia krauki, Idsip ra ur taki kata ba,

Isikiel 23:44

Kaiks witin aula, Oholá bara Oholibá ra, pri mairin nani, sim rug mairin nani ra upla nani auya ba baku.’

Isikiel 23:5

Oholá ba kasak apia kan, bara ai lila nani wal ai âuyapah lihki kan, Asiria aiklaklabrika nani wal;

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Oseas 3:3

Bara yang bui witin ra wîri: “Man yu ailal pali yang mayi kama; ba mita rug taki taukpara, waitna wala wal sin prawpara, bara yang sin man wal baku kasak kamna.”

Oseas 4:15

“Israel, man rug lâka daukisma kaka, Juda pan saura daukbiara. Man nani Guilgal ra wapara, Bet-avén ra sin uli wapara. ¡Dawan nina ra, diara daukaia swer takpara, Dawan raya sa bamna!

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Libait Lâka 21:9

“Prîs luhpia kum ai aisa lâka lulkbia bara tiara rugkira takbia kaka, raya angkan kabia.

Roman 14:22

Kasak lukan lâka brisma ba, Gâd mawanra man pali mita bri kaia sma. ¡Lilia pali kabia baha uplika tânka trai kaiki bara witin ai kupia ra ai dara walisa pâtkas sa!

Kli Smalkanka 24:16

“Aisika nani ba luhpia nani saura daukan kaka tâwan, sip pruaia pâtka ra lakras. Luhpia nani sin ai aisa saurka tâwan pât ra lulkras, ban sakuna, kumi bani ba silp ai saurka tâwan prubia.

Wihta Nani 19:2

Sakuna yu kumi mairin ba witin wal unsabi, ai kupia sauhkan, bara mahka Betlehem ra wih iwan. Kati walhwal ai aisika watla ra bâra kan.