Blasi Sturka 37:8 - DAWAN BÎLA AISKA

⁸ Bara ai muihni nani pana witin ra win: —¿Man baha wal wan wiaia want sma, man ba yang nani kingki aimakaisma, bara man mita yang nani ra lâ aiki kaia lukisma? Bara baha yaprisauhkanka kaikan ba tâwan, bara tânka sin laki win ba sut tâwan, witin nani bui Josep ra kau misbara kaikan.

Blasi Sturka 37:8 ပူးပေါင်းရင်းမြစ်များ

Blasi Sturka 27:41

Bara Isau baha yua wina Jekob ra misbara kaikata, baha yamnika ba ai aisika witin ra yaban kan bamna. Bara Isau ai kupia ra lukan: “Aisiki pruanka dukiara sari bri inaia yua nani ba aimakaia pat baila sa; bamna baha yua ba lubia ba ningkara, yang muihki Jekob ba ikamna.”

Blasi Sturka 37:4

Sakuna ai muihni nani ba ai dara wali kaikan ai aisika ba Josep ra kau latwan kaiki ba, witin nani ra lika baku apia. Bara witin nani Josep ra misbara kaikan, bara lakula sin daukras kan.

Blasi Sturka 37:9

Baha ningkara Josep kli yaprisauhkan wala kum kaikan. Baha sin witin kli ai muihni nani ra bal baha tânka ba win: —¿Man nani nu sma ki, yang kli yaprisauhkan wala kaikri ba? Yang kaikri lapta, kati bara slilma nani 11 yang maiwanra bawi kulkanka aiki kan.

Blasi Sturka 42:10

Witin nani pana win: —Apia, wihtki, apia pali. Yang nani sin man dukiam dadaukra nani sna, plun atkaia dukiara yang nani balri sa.

Blasi Sturka 44:18

Bamna Juda ba Josep lama pali ra wan bara win: —Âu, yang bui man ra puri sunisni, dawanki, du pliskam, yang lika man wal baman wiria aisaia brin ai daukisa. Pliskam pali, yang ra lawpara, man na king fero wal baku tara sma, man wal aisisna ba king fero wal aisisna baku sa.

Blasi Sturka 49:26

Aisikam man ra kau ai yamnika maikan yang aisiki nani yang ra yamni ai munan ba wal. Ban kaia ra ilka nani bâra ba yamnika nani ba, Josep lal purara ban bâra kabia. Baha yamnika nani ba briaia ba mata ai muihni nani tila wina bâk sakan bamna.

Blasi Sturka 50:18

Bara muihnika nani ba sut witin ai mawanra dimi wan, bara ai mawan kat ai lula kriki ai lal tasba kat kangban, bara witin ra win: —Man albikam nani nâra mamwanra brisma.

Lawana Nani 118:22

Walpa utla mâmakra nani bui lulki swin ba, baha pali sika wihtka pali takan ba.

Impakan Sturka 2:14

Bara waitna ba pana witin ra win: —¿Man ba ya mita yang nani tilira wihtka kaia mai mangkan? ¿Dîa, yang ra sin ai ikaia lukisma, Idsip waitnika ra ikram ba baku? Moses baha walan ba ra sibrin takan, kan ai dara walan witin Idsip waitnika ikan ba, upla nani pat tânka brin sa.

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Luk 20:17

Sakuna Jisas baha nani ra kaiki, naku win: —Baku bamna, ¿Ulbanka ra bâra ba, dîa wiaia tânka sa ki? Naku wisa: ‘Baha walpaya utla mâmakra nani mita lulkan ba, baha sika raya wihtka takan ba.’

Apastil Nani Sturka 7:35

“Naha Moseska na ra sika Israel luhpia nani mita bahki kulkata ba, naku sin makabi walata ba: ‘¿Man na ya mita wan purara wihta bara lâ dadaukra kaia mai mangkan?’ Baha Moseska sika Gâd mita wihta bara upla pri sasakra baku blikan, insal witin ra latan takan kiaya dusa ra pauta baku klauhi kan ba tilara.

Kli Smalkanka 33:16

plun mâ kau pain nani ba ni tasbaya ba banhbia, kupia yamni lâka ba, rahra tilara iwi ba wina bal takbia. Baha sut Josep purara balbia, witin ra sika muihnika nani tila wina bâk sakata ba.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

1 Samuil 10:27

Sakuna tila upla nani, lukan saura bri kan ba aisin: “¿Bara naha bui swaki wan sakaisa ki?” Bara witin ra bahki kulkan bara yamni kulkan lâka sin yabi banhras; sakuna Saúl lika ai kupia lukras baku kata.

1 Samuil 17:28

Sakuna Eliab, Debit muihnika almuk ba, walan ai muihni waitna nani wal aisi kan ba, witin ra ai kupia sauhki win: —¿Dîa daukaia man nâra balram? ¿Sîpkam nani twi ra ba ya wal swiram? Man kupiam karna, lukankam saura brisma ba kakaira sna, war aiklabi ba kaikaia dukiara baman man nâra balram.

1 Samuil 18:8

Baha aisanka ba Saúl saura lukan, bara ai kupia baiki naku aisan: —Debit ra kau kulkanka yabi 10,000 ikan wisa, yang ra lika 1,000 baman. ¡Kau diara wala âpu, king mangkaia baman sa!