Blasi Sturka 37:35 - DAWAN BÎLA AISKA

³⁵ Ai luhpia waitna, ai luhpia mairin nani sut ai aisika maisa nihkaia trai kaikan, sakuna ai luhpia nani ba witin ai maisa nihki ba brin daukras kan. Witin ai luhpia dukiara kau ini bara naku aisi kan: “Luhpi sarka brih ini ban kamna, yang pruan nani tilara wih, witin wal prawamna ba kat.”

Blasi Sturka 37:35 ပူးပေါင်းရင်းမြစ်များ

Blasi Sturka 25:8

Witin almuk pali taki pruan, siknis âpu kan, bara ai almukka nani raitika ra bri si bikan.

Blasi Sturka 31:43

Bara Labán pana Jekob ra aisin: —Mairin nani na yang luhpi nani sa, luhpia nani ba sin yang muli nani atia sa; sîp nani ba sin yang sîpki nani sa, nahara diara nani sut man kaikisma na sut, yang duki atia sa. Ban sakuna, ¿nanara luhpi mairin nani ai luhpia nani baikan na yang bui witin nani ra dîa daukamna?

Blasi Sturka 35:29

Witin almuk pali taki pruan bara ai aisika nani purara raitika ra bri si bikan, bara ai luhpia waitna nani Isau bara Jekob bui bikata ba.

Blasi Sturka 42:31

Sakuna yang nani witin ra wîri: ‘Baku apia sa, yang nani upla kasak, yang nani yu kumi sin kiama warkka daukras.’

Blasi Sturka 42:38

Sakuna Jekob witin nani ra win: —Yang luhpi man nani wal wabia apia. Ai muihni Josep pat pruan, kau witin baman yang wal sa. Yabal ra diara saura kum witin ai mapara daukbia kaka, man nani ba pâtkira kama yang dama takri na, sari lâka tara bri ban pruamna ba ra.

Blasi Sturka 45:28

Bara witin naku aisin: “¡Baha wal nanara yang aitani lukisna, nanara daira waluna luhpi Josep kau raya sa! Kau raya sna na ra witin kaikaia mahka wamna.”

Blasi Sturka 48:11

Baha ningkara witin kli Josep ra tawi aisin: —Yang lika man ba kli mai kaikaia lika lukras kapri, ban sakuna, naiwa Gâd bui man luhpiam nani ba sin mairikisa.

2 Samuil 12:17

Almuk nani king watla ra iwi kan ba, witin ra ai pura sunan tasba wina bubia wisi, sakuna king lika witin nani ra walras bara baha wina sin buras kan, witin aikuki sin iwi plun piras kan.

2 Samuil 12:23

Sakuna nanara pat pruan ba, ¿dîa dukiara yang kau ban plun piras kaia, witin pruan ba wina bukaia yang sip apia sna na? ¡Yang bui lika nanara waia sna witin wal prawaia, sakuna witin lika kli balbia apia!

2 Samuil 19:1

Upla nani ba ai dara walan king sari bri ini kan ba, ai luhpia Absalón pruan ba pura mata, bamna witin nani wan bara Joab ra win. Baku bamna baha pura luan yua ba, sari lâka ra tawan.

1 Kronikas 7:22

Ai aisika Efraín ba, baha nani sarka brin piua wihka, bara ai taya nani aidrubi balan maisa nihkaia.

Job 2:11

Baku bamna, Job ai pânika nani yumhpa bri kan: Elifaz, Temán tasbaya wina, Bildad, Súah tasbaya wina, bara Sofar, Naamat tasbaya wina. Witin nani Job ra dîa pâtka takan ba sut wali banhwan, bara witin nani aitani lukan witin ra wih maisa nihkaia bara ai pâtka tara wahwi ba tilara ai lamara kaia.

Lawana Nani 77:2

Ani piua ra, yang sari sna ba ra Dawan ra plikisni, bara sin mihti nani ba takaskras buki puri sunisna tihmia ra kan yang sulki ba, sip maisa nihkra sakras sna bamna.

Lawana Nani 77:3

Gâd ra kupi kraukisna, bara inisni, baha luki kaikisna bara lukanki ba mâyara takisa.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Jirimaya 31:15

Dawan ba wisa: “Bîla baikra kum walisa Ramá ra, upla kum inisa sari pali. Baha Raquel inisa, ai luhpia nani dukiara, maisa nihkaia brin daukras, kan pat prui banhwan bamna.”