Blasi Sturka 37:25 - DAWAN BÎLA AISKA

²⁵ Baha dauki si witin nani plun piaia iwan. Bara tisku kan ai nakra buki kaikan, kaiks Ismael kiamka nani daknika tara kum, Galaad wina aula kan ai kiamilka nani ba prahki, isint kîa pain nani, sîka sâtka nani, dus mâka wina saki daukan saika nani wal. Baha nani dukia nani ba wauhi atkaia Idsip ra waia impaki kan.

Blasi Sturka 37:25 ပူးပေါင်းရင်းမြစ်များ

Blasi Sturka 31:21

Bamna witin ai dukia dîa bri kan ba sut brih mahka plapan. Éufrates awala ba pat lui wan, baha wina kau kainara Galaad ilka nani tila kat wan.

Blasi Sturka 31:23

Labán ai taya nani aikuki, Jekob bliki alkaia wisi nina bliki ninara wan. Wik kum ningkara, Galaad ilka nani tilara kan bliki alkan.

Blasi Sturka 37:24

Bara liwanhta pakni kum bîla man lî âpu kan ba ra dingkan.

Blasi Sturka 37:28

Bara Madián wina uplika diara wauhi âiatkra nani ba bahak bal lui auya kan ba ra, witin nani Josep liwanhta ba wina saki, baha uplika nani ra silbar mâ 20 mana atkan. Bara baku witin nani Josep ba Idsip ra brih wan.

Blasi Sturka 37:36

Bara Madián uplika nani ba, Josep ba Idsip ra bri si, bara waitna kum king fero watla bilara wihtka, king watla ra suldiar nani ba sin kiaptinka aimaki kan ba ai nina Potifar, baha waitnika ra atkan.

Blasi Sturka 39:1

Josep ba Idsip ra brih wan ba ra, Idsip waitnika tara kulkan kum, nina ba Potifar, witin Josep ba Ismael luhpia nani wina atki brin. Potifar ba suldiar nani kiaptinka aimaki kan king fero watla ra.

Blasi Sturka 43:11

Bara ai aisika pana witin nani ra win: —Natka wala ra diara daukaia yabalka wala âpu sa, bamna man nani naku dauks: man nani surunkam bilara, waitnika ba prisantka kum brih was. Wan kuntrika ra diara kau pain ba dukia nani ba wina bri si yas: wan taya ra aubaia batanka, nasma laya, isint kîa pain ba, sîka, amans mâ nani baku.

Ester 3:15

Bara wauhkataya twatwilkra nani ba, mahka brih taki wan king adar yaban ba kat. Naha lâ wauhkataya ulban ba Susa kan kahbaika pliska bri ba ra param sakan; bara baku dauki si, king ba Amán wal lika di kan, sakuna Susa tasbaika tara ra lika kupia turbanka ailal pali bâra kata.

Lawana Nani 14:4

¡Wark saura dadaukra nani ba, kumi sin diara tânka briras! Witin nani bui yang upliki nani ba pi banhwisa, upla plun pi ba baku, witin nani bui Dawan ra ai pura sunras.

Lawana Nani 83:6

Edom bara Ismael kiampka nani ba Moab bara Agar kiamka nani sut,

Sins Lâka 30:20

Marit lâka sauhki mairka ba naku daukisa: witin plun pi si ai un dikisa bara wisa: “Yang diara watawi kumi sin daukras.”

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Jirimaya 22:6

Kan Dawan Juda kingka watla ba dahra aisisa: “Man ba yang maipara Galaad ilka baku sma, Líbano bahna ba baku, sakuna diara âpu mai daukaisna, upla iwras tasbaya kum mai daukaia.

Jirimaya 46:11

“¡Idsip uplika nani, sîka pliki Galaad ra was! ¡Sakuna sîka nani pliki brima ba, man nani ra hilp âpu kabia, sîka âpu man nani mai rakaia!

Jirimaya 8:22

¿Galaad ra sîka kum pan âpu sa ki? ¿Upla raki uplika kum bâra âpu kabia ki? ¿Dîa muni witin bui yang upliki nani ba rakras sa?

Isikiel 47:18

“Lalma tani piarkika ba Haurán bara Damaskus tasbaya wina Tamar tawanka kat, Kabu Pruan ba kat, Jordan awala yarika ra, baha ba piarkika kabia Galaad bara Israel wal.

Emus 6:4

Elepant napa ni paskan krikrika nani purara yapisma, wamtla bilara iwaika swapni nani paskan ba purara iwisma, Sîp lupia nani, bîp lupia batanira nani iki pi lilia daukisma;

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Jasua 13:11

Bamna Galaad bara Guesur uplika nani bara Maacat uplika nani tasbaya ba sin, Hermón ilka ba bara Basán tasbaya aiska Salcá kat,