Blasi Sturka 37:14 - DAWAN BÎLA AISKA

¹⁴ Ai aisika Israel pana witin ra win: —Aitani, luhpi, bamna nanara man was, muihkam nani bara daiwan nani ba sin sut laki kaiks, witin nani ba nahki sa sapa, bara man kli bal sturka ba ai wis. Israel bui Josep ba Hebrón ilka bîla wina blikan witin Siquem kat wan.

Blasi Sturka 37:14 ပူးပေါင်းရင်းမြစ်များ

Blasi Sturka 13:18

Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.

Blasi Sturka 23:19

Baha ningkara, Ebraham ai maya Sara pruan ba bahara bri si bikan, Macpelá tasbaya ra walpa unta kan ba ra, Mamré lalma tani ra, nina wala ba Hebrón mâki ba, Kenan tasbaya ra.

Blasi Sturka 23:2

Quiriat-arbá tawanka ra pruan, baha nina wala Hebrón, Kenan tasbaya ra. Ebraham witin pura mata kasak inan, ai sarka tara twilkan.

Blasi Sturka 29:6

Jekob kli makabi walan: —¿Witin siknis apia sa ki? —Âu, Labán siknis apia, witin pain sa. Kaiks, ai luhpia mairin Raquel sin ai sîpka nani ba bri nâra aula sa.

Blasi Sturka 35:27

Jekob ai aisika Aisak kaikaia Mamré ra wan. Baha tawanka nina ba sin Arbá, apia kaka Hebrón mâki kan. Baha tawanka ra Ebraham bara Aisak sin iwi kan.

Blasi Sturka 37:15

Sakuna baha kat Josep aimawahki tauki kan twi biara ra bara waitna kum witin wal prawan, bara witin ra makabi walan: —¿Man dîa pliki taukisma?

Blasi Sturka 41:16

Josep pana king fero ra win: —Baha tânka saki mai wiaia ba lika yang apia sika, sakuna Gâd mita baha tânka ba king ra param saki wibia, king ra yamnika kum kaia dukiara.

Blasi Sturka 43:27

Bara Josep witin nani ra makabi walan: —¿Man nani yamni balram ki? Bara ai aisika dukiara sin makabi walan: —¿Aisikam yamni sa ki, witin pat almuk pali sa man nani ai wiram baku? ¿Witin kau raya sa ki?

2 Samuil 11:7

Urías Debit mawanra buan, bara Debit bui witin ra makabi walan Joab ba pain sa sapa, suldiar nani bâra wan sturka ba sin dîa bâra sa sapa.

2 Samuil 18:32

King ba Etiopía waitnika ra makabi walan: —¿Wahma Absalón ba pain sa ki? Witin pana win: —Yang aitani lukaina kan dîa baha wahma ra takan ba baku, king tara mapara babura nani sut ra sin baku takaia kan.

1 King Nani 2:33

Baha nani tâlia ba Joab purara kauhan sa, ai kiamka nani purara sin ban kaia ra; ban sakuna Debit bara ai kiamka nani purara bara ai king iwaika purara sin Dawan wina ban kaia ra kupia kumi lâka bâra kabia.

Ester 2:11

Bara Mardoqueo ba, yu bani mairin nani watla ba mawanra kirhbi watauki kan, Ester ba nahki auya sapa kaikaia wisi, bara dîa witin ra muni sapa kaikaia dukiara sin.

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Jirimaya 29:7

Ani tasbaya ra mai blikri tasbaya ba hilpka daukaia man nani wark taki bas, witin hilpka daukaia man nani bui yang ra makas, witin nani yamni kabia bara man nani sin pâwi kama.

Kulki Kaikanka 13:22

Négueb bâk lui wan ba wina, Hebrón kat aidrubi balan, bahara Anac kiamka nani bâra kan: Ahimán Sesai, Talmai. Hebrón tawanka ba pas paskan kan, 7 mani Soan Idsip ra paskan ba kainara.

Luk 19:42

naku win: “Man kaikram kata, naiwa piua kupia kumi lâka dukiara dîa pali want sma ba; sakuna nanara baha sut ba yukukan sa, bara man sip kaikras.

Jasua 14:13

Bara Jasua bui Caleb ra yamni munan, bara Hebrón yan ai tasbaya kaia, ai taya nani ra sin.

Jasua 14:14

Baku sika Hebrón ba Caleb brin, ai taya nani sin, naiwa yua kat kau Caleb ban kasak sa, ai Dawanka ra bara Israel Gâdka ra kulkisa.

Jasua 14:15

Patitara Hebrón nina almuk ba Quiriat-arbá mâki kata, kan Arbá ba waitna tara kulki kan, Anac kiamka ba wina. Bara baha daukan ba wina, baha tasbaya ra ai kupia kumi iwi banhwi kan.

Wihta Nani 1:10

Bara Hebrón tawanka ra Kenan uplika nani bâra kan ba wal sin aiklaban, blasi piua ra Hebrón nina ba Quiriat-arbá mâki kan, bahara Sesai, Ahimán bara Talmai ba pura luan.

1 Samuil 17:22

Debit diara nani brih wata ba, plun nani main kakaira ba ra yabi si, lain ra plapi diman, bara ai muihni nani ra makabi walan witin nani pain sa sapa.