Blasi Sturka 35:9 - DAWAN BÎLA AISKA

⁹ Jekob Padán-aram wina kli tawi aula kan ba ra, Gâd sin kli aima wala ra witin ra param taki yamni munan;

Blasi Sturka 35:9 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 18:1

Mamré usupumka nani tilara, Dawan Ebraham ra param takan, yu wan lal kat lapta pali kan ba piua ra. Witin ai tintka watla durka bilara iwi kan,

Blasi Sturka 25:20

Aisak mani 40 bri kan piua ra Rebeca wal marit takan. Mairka na Betuel luhpia mairin, lakrika ba Labán, baha sika Aram uplika nani Padán-aram tasbaya ra iwi kan ba.

Blasi Sturka 26:2

Baha yabalka ra Dawan bui witin ra latan takan, bara win: “Man Idsip ra wapara, sakuna yang mai wimna man anira takaskaia sma ba, bara man bahara takaski kama.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 31:3

Bara Dawan bui Jekob ra win: “Man aisikam nani tasbaya ra kli tawi was, tamya nani bâra ba tilara, bara yang lika man wal wamna.”

Blasi Sturka 32:1

Jekob sin ai yabalka ra wan, bara Gâd insalka nani yabal ra witin wal prawan.

Blasi Sturka 35:1

Gâd bila Jekob ra win: “Bus bara naha wina mahka was, Betel ra wih bahara iws. Man muihkam Isau wina sîa plapi kapram, Gâd bui man ra param takan ba tasbaya ra. Bahara man puram sunaia altar kum paskma.”

Jirimaya 31:3

yang param takri witin ra laih wina. Yang latwan pali mai kaikri ban kaia ra latwanka; baha mita ninam blikisna yamni man dauki kaia.

Oseas 12:4

Insal kum wal aitwaki, pura luan; inan bara makaban witin ra umpira kaikbia. Gâd lika witin wal Betel ra prawan bara bahara witin wal aisin.

Oseas 12:5

¡Dawan, Gâd karnika sut bri ba: witin ai nina sika Dawan!

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.