Blasi Sturka 35:26 - DAWAN BÎLA AISKA

²⁶ Bara Zilpá, Lea albika mairin wal baikan nani ba Gad bara Aser. Naha sika Jekob luhpia waitna nani Padán-aram ra kan ba piua ra bahara aisuban nani ba.

Blasi Sturka 35:26 ပူးပေါင်းရင်းမြစ်များ

Blasi Sturka 25:20

Aisak mani 40 bri kan piua ra Rebeca wal marit takan. Mairka na Betuel luhpia mairin, lakrika ba Labán, baha sika Aram uplika nani Padán-aram tasbaya ra iwi kan ba.

Blasi Sturka 28:2

sakuna bus, Padán-aram ra was damikam Betuel watla ra, bamna bahara tahtikam Labán luhpia mairin nani wina kum wal mayam brih iws.

Blasi Sturka 29:24

Baha purkara, Labán sin ai albika mairin Zilpá ba Lea ra yaban witin ai warkka dauki kaia.

Blasi Sturka 35:18

Sakuna witin mahka pruaia lama kat wan ba ra, ai wingka karna kum puhban bara tukta nina ba Ben-oní mâkan, aisika bui lika ai nina ba Benjamín mâkan kan sakuna.

Blasi Sturka 37:2

Naha uplika nani sika, Jekob kiamka nani ba, bara ai sturka nani ba sin. Josep wahma luhpia mani 17 bri kan ba ra, ai muihni nani aikuki, ai aisika maya wala nani Bilhá bara Zilpá luhpia nani aikuki sin, ai aisika sîpka nani ba twi ra main kaiki kan. Bilhá bara Zilpá ba Jekob lilika nani kan. Bamna Josep ai muihni nani tânka bara daukanka saura nani ba dukiara ai aisika ra dahra saki kan.

Jasua 13:24

Baku sin Gad kiamka nani ra Moses bui tasba ba yuan, upla nahki iwi kan ba praiska kat.

Jasua 19:24

Lat lulkanka matsipka ba Aser masraka kiamka ra bal takan, upla kulki kaikanka ba kat.