Blasi Sturka 35:2 - DAWAN BÎLA AISKA

² Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

Blasi Sturka 35:2 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

Blasi Sturka 31:34

sakuna Raquel lika aidulka nani ba brih kiamil satilka bilara yukuki, bara witin baha purara uli iwan. Bara Labán bal utla aiska ba pliki taukan, sakuna ai gâdka nani ba sakras kan.

Blasi Sturka 34:2

Siquem, Hamor luhpia waitna ba, baha tasbaya wihtka aimaki kan, witin heveo ba, bara Dina bahara tauki kan ba kaikan, bara alki taibi munan lâka ra, witin wal yapan bara swira daukan.

Blasi Sturka 35:22

Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan. Jekob luhpia nani sut ba ra 12 kan.

2 Samuil 7:23

Israel luhpia nani dukiara, man uplikam nani ba, ¡witin baku wala âpu sa, witin nani ba baman bâk sakan nisanka kumi sa tasba ra! Man, Dawan, witin nani ba pri sakram witin nani man uplikam nani kaia mata, diara tara bara aihkakira nani witin wal daukram ba ra, man ninam ba purara pali bukram. Nisan wala nani sut ba ai gâdka nani wal, uplikam nani mawanra batakram, man bui witin nani ba Idsip wina atki sakram ba ra.

2 King Nani 17:29

Sakuna nisan bani silp ai gâdka bahki nani paski bri kan ani tawanka ra iwi ba ra, bamna Samaritan nani ai priaska watla nani ba kiuhsi purara paski bri kan ba kat mangkan.

2 King Nani 5:10

Bara Ilaidsa sturi twatwilkra kumi blikan wan, bara wibia win: “Was Jordan awala ra, aima 7 aihtabi taks, bara man wînam tara ba klin takma lipar ba wina.”

1 Kronikas 16:26

Upla wala nani gâdka nani ba lika bahki yus âpu nani sa, sakuna Dawan bui lika kasbrika pura ba paskan sa.

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Lawana Nani 51:2

¡Watawiki ba wina sikbi ai sâks! ¡Saurki ba wina sin sikbi ai sâks! Kupiam swapnika lâka tara ni.

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Impakan Sturka 19:10

bara Dawan kli witin ra win: —Was bara upla nani ra wis, naiwa bara yauhka wal ba, witin nani ridi takaia sa yang ra mayunra kum dauki aikaia. Witin nani ai kwalka nani ba tuski sakaia sa,

Impakan Sturka 19:14

Moses il wina bal iwan, upla nani ra wiaia ridi takaia, Gâd mayunra dauki yaia ba dukiara. Upla nani ba ai kwalka nani tuski klin takan,

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Smasmalkra 5:1

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Aiseya 1:16

¡Mihtam ba siks, klin dauks! ¡Watawikam lâka nani ba naikra wina sâks! ¡Man nani saura daukaia ba swis!

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 16:20

¿Upla ba sip sa ki witin mita ai gâdka nani paski briaia? ¡Ban kaka, baha nani ba gâd kasakkira apia sa!”

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Isikiel 18:31

Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

Isikiel 20:7

Bara kumi bani ra adar yabri ai gâdka nani yamni kaikras sna âpu daukbia bara Idsip aidulka nani brih wapaia apia, kan yang, Dawan, Gâdka sna bamna.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Daniel 5:4

Sut ba wain dih ai aidul nani ra mayuni banhwan, baha dawanka nani ba paski daukan kan gul, silbar, bras, ayan, dus bara walpa wal.

Libait Lâka 15:5

“Bara upla wala, ya ya kra baha waitna aitnikan ba pliska ra kangban sa kaka, ai kwalka ba tuskaia sa, witin sin aihtabaia sa bara ban tâski kulkan kabia tihmia kat.

Libait Lâka 17:16

Sakuna witin mita ai wîna tara aiska ba klin daukras kabia kaka, ai kwalka nani sin tuskras kabia kaka, baha watawika lâka mana ba witin twilkbia.”

Kulki Kaikanka 31:24

Yua 7 kat kwalka nani ba lî ni tuski tâskika ba sakaia sma, bara sunu kabia. Baha ningkara utla ra upla tilara dimaia sip kama.

Apastil Nani Sturka 19:26

Ban sakuna, man nani pain kaikisma bara sin walisma, nahki naha waitnika Pal wi ba smalkisa, gâd nani upla ai mihta ni paskan ba lika bahki pali sa. Baku smalki ba mita upla manis kupia alkan, naha Epesus tawanka ra baman apia, sakuna Asia tasbaya aiska ra sin.

1 Korint 10:7

Baha mita, man nani aidul nani ra puram suni mayunpara, witin nani wina tila nani daukan ba baku, Ulbanka ra wi ba baku: “Upla nani ba plun piaia bara diara diaia iwan, bara baha ningkara dans pulan.”

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Kli Smalkanka 11:28

Saura mai kulkbia, gâd kum man nani kakaira apia sma ba ninara wama kaka, Dawan Gâdkam lâka nani lulki swi, ai lâka nani naiwa maikisna na wina tnaya ra tawma kaka.

Kli Smalkanka 32:16

Aidul nani sîa briaia kata ba ra mayuni Gâd lawanka ra kupia baiwanka nani ra tuskan;

Kli Smalkanka 5:7

‘Man bui yang tnaiya ra gâd wala nani bripara.

Kli Smalkanka 6:14

Tawan lamamra iwi nani ba Gâd wala nani ra mayuni kaka, baha nani ninara wapara.

Kli Smalkanka 7:25

Man nani bui ai gâdka lilka nani ba angkma, kuna gul nani ba silbar dukiam briaia daukma baha wal takaskaia; baha traika kaikanka ra kauhpara, kan warkkam Dawan bui bahki kulkbia.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

Jasua 23:7

Aiblakpara upla wala nani man nani tilamra nâra iwi nani ba wal, baha nani gâdka ra mayunpara, baha nani bîla wali sin daukpara. Baha nani gâdka nina sin mâkpara, gâdka bahki ba nina mâki sin aisapara, swer sin takpara.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Jasua 24:2

bara upla sut ra win: —Dawan bara Israel Gâdka ba, naku wisa: ‘Blasi piua ra Térah bara ai luhpia nani Ebraham bara Nahor ba aikuki, man nani almukkam nani ba, Éufrates awalka un ra iwi kata bara gâd bahki nani ra mayunan.

Jasua 24:20

Man nani bui witin ba swi si, bara gâd wala nani dukia daukma kaka, Dawan ba pana saura mai munbia, bara sut sauhki mai tikbia, witin bui man nani ra diara pain manis daukan sa kuna.

Jasua 24:23

Jasua bui witin nani ra win: —Man nani tilam wina gâd bahki nani ba sut sâks, bara kupiam aiska kira Gâd ra taws, witinka Israel Gâdka ba.

Judas 1:23

Upla tila nani ba, pauta wina swaki sâks; bara kli upla wala nani ra lika umpira kaiks, witin nani ba sîa bris, ai kwalka nani ba kat sin sibrinka bris, kan baha ba sut sin tâski pali takan sa, ai rayaka saura ba mita.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.

Rut 1:15

Bara Noemí aisin: —Kaiks, man mamsaya prahki maya, kli ai tasbaya ra ai gâdka nani ra auya ba. Man sin witin wal was.

1 Samuil 16:5

Samuil pana win: —Baku sa. Yang aulna Dawan ra sakripais kum dauki yabaia. Man nani klin taks bara kaisa yang wal waia sakripais ba daukaia. Bara Samuil mita Jesé bara luhpia nani ba klin daukan, ningkara paiwan aikuki waia sakripais daukaia ba pliska ra.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”