Blasi Sturka 35:16 - DAWAN BÎLA AISKA

¹⁶ Baha ningkara witin nani Betel wina wan. Sakuna Efrata ra dimaia lika kau wihka kan, baha yabalka ra Raquel ai luhpia baikan; sakuna witin prura bîla wina tukta ba brin.

Blasi Sturka 35:16 ပူးပေါင်းရင်းမြစ်များ

Blasi Sturka 3:16

Mairin ra witin win: —Sarkam lâka ba uya pali daukamna, man kwihra tiwisma ba piua ra; wînam latwanka tilara luhpiam nani baiki kama; bara man kupiam brinka ba mayam kat kabia, bara witin ba man wihtkam aimaki kabia.

Blasi Sturka 35:19

Baku sika Raquel pruan bara Efrata yabalka lamara bikan. Bamna nanara baha pliska nina ba Betlehem mâkisa.

Blasi Sturka 48:7

Yang Padán-aram wina tawi balri ba ra, yaptikam Raquel, Efrata ra dimaia lamara, Kenan kat pruan. Bara Efrata yabalka kat bikri, nanara baha pliska nina ba Betlehem mâkisa.

2 King Nani 5:19

Bara Ilaidsa mita win: —Kupiam kumi was. Bara Naamán baha wina mahka wan. Pat laihura auya kan ba ra,

1 Kronikas 2:19

Azubá pruan ningkara, Caleb ba Efrata wal marit takan, bara baha wina Hur baikan.

Lawana Nani 132:6

Efrata ra aisi kan walri, Dawan lâka auhbaika watla ba dukiara, bara yang nani Jáar twiya langnika ra sakri.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Matiu 2:1

Jisas ba Judia tasbaya ra tawan kum nina Betlehem wi ba ra aisubi takan. Baha piua ra Herod lika baha kuntri kingka aimaki kan. Bamna laih lalma wina Jerusalem tawanka ra waitna sinskira nani balan,

Matiu 2:16

Herod kaikan sinskira nani witin ra kunin munan, bara ai kupia baiwan. Bara adar yaban Betlehem ra bara baha tawanka lamara iwi tuktika waitna sirpi mani wâl bri ba wina ai mâyara ba sut ikaia, sinskira nani bal witin ra win ba piua pali ba kat.

Matiu 2:18

“Ramá ra bîla baikra kum walata, inanka nani bara sarka tara nani ba sin; baha ba Raquel ai luhpia nani pura mata ini kan, upla bui ai maisa nihkaia want apia kan, kan pat sut pruan kan bamna.”

1 Timoti 2:15

Sakuna mairin ba lika swaki sakan kabia yapti baku, dîa daukaia win ba aiska daukbia kaka, witin ba kasak lukan lâka, latwan lâka kat, holi lâka kat sin, ai sinska ba yamni bri kabia kaka.

Rut 4:11

Almuk nani ba bara upla wala nani ba sut sin aisin: —Âu, witniskam nani sna. Sakuna Dawan sin Rut ra tâ baikbia Raquel bara Lea wal ra daukan ba baku, witin nani wina Israel luhpia nani bal takan. Bara man sin Efrata Betlehem wal tilara upla tara mai kulkan kabia.

1 Samuil 10:2

Nanara man lika yang wina dakwi takuma na, Selsah ra Raquel raitika lamara waitna wâl bâra prawma Benjamín tasbaya ra. Witin nani mai wibia birikukam pliki kapram ba pat sakan sa, nanara aisikam ba biriku nani sarka briras, sakuna man nani sarkam brisa, bara makabi walisa man nani dukiamra dîa daukaia sa sapa.

1 Samuil 4:20

Mairin nani ai lamara kan ba kaiki kan, mairka na mahka prui kan, bara witin nani bui win: “Si bripara, luhpiam waitna briram.” Sakuna witin pana diara sip aisaras kan.