Blasi Sturka 34:2 - DAWAN BÎLA AISKA

² Siquem, Hamor luhpia waitna ba, baha tasbaya wihtka aimaki kan, witin heveo ba, bara Dina bahara tauki kan ba kaikan, bara alki taibi munan lâka ra, witin wal yapan bara swira daukan.

Blasi Sturka 34:2 ပူးပေါင်းရင်းမြစ်များ

Blasi Sturka 10:17

heveo nani, araceo nani, sineo nani

Blasi Sturka 20:2

Bara witin bahara iwi kan ba ra Ebraham ai maya Sara dukiara upla nani ra win Sara ba witin ai lakra. Bamna baku Abimélec Guerar kingka ba, Sara ba ai mairka briaia paiwan.

Blasi Sturka 33:19

Witin Hamor luhpia nani wina, aisika nina Siquem, witin nani wina tasba pîs kum atki brin, silbar 100 kum mana. Baha tasbaya ra ai tintka watla bapan.

Blasi Sturka 34:27

Jekob luhpia waitna wala nani ba sin ninara wan, pruan nani ba purak taibi lui. Ai lakra mana, witin nani dukia nani bri kan ba sut implikan.

Blasi Sturka 34:3

Sakuna witin baha daukan ba ningkara, Dina ra latwan pali kaikan. Bara swiaia apia lukan, bamna kasak maisa nihkan kupia alkaia.

Blasi Sturka 34:30

Bamna Jekob bui Simian bara Libai wal ra aisi, win: —Nanara man nani mita yang na pât ra ai mangkram sa. Nanara naha tasbaya dawanka, Kenan uplika nani bara ferezeo nani ba mita yang ra misbara ai kaikbia. Witin nani asla taki yang maipara bal aiklabia. Upla maura man brisna bamna sut wan ikbia, baku sin wan taya nani ba sin sut ikbia.

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

2 Samuil 11:2

Tutni kum, Debit ai krikrika ra yapi si buan ba ra, king watla bahna purara wapi taukaia pliska ba ra wapi tauki kan, baha wina mairin painkira kum kaikan, ai katka siknis wina klin taki si bal aihtabi kan. Debit upla saki blikan, wih mairka ba tânka pliki kaikaia. Tânka pliki kaikan ba ra witin ra win baha sika Betsabé, Eliam luhpia mairin, Urías hitita ba maya. Debit bîla twatwilkra nani saki blikan mairka ba bri balaia, bara witin wal krikri ra aitnikan, baha ningkara kli ai watla ra wan.

2 Samuil 13:14

Amnón witin ai bîla walras, ban alki taibi muni witin wal aitnikan, Amnón kau karna kan ba mita.

Job 31:1

Yang kupi wal lâ daukri, tiara nani ba kaiki brin ai daukras kaia, mairin tiara yakan nani ba ra brinka gridi lâka ra briaia.

Job 31:9

Mairin kum ra lihkisna kaka, apia kaka waitla lamara iwi ba mairka ra biki kaikri kaka,

Sins Lâka 13:20

Sinskira nani wal tauki bas, bara sinskira kama; taniskira nani wal tauki bas, bara mai sauhki mai tikbia.

Matiu 5:28

Sakuna nanara yang mai wisna: Ya ya mairin kum kaiki, brin pali daukbia kaka, pat witin wal ai kupia ra marit lâka sauhkan sa.

Kli Smalkanka 21:14

Bara brin daukras kabia kaka, sip sa pri swiaia; sakuna swira daukan ba tâwan lalah mana sin atkaia apia, alba baku sin taibi munaia apia.

Kli Smalkanka 22:24

tawan lâka watla mawanra wâlsut brih wabia, bahara pât ra laki walpa ni sabi ikbia. Tiarika ba tawan bîla kat kan bara hilp makabras kan ba tâwan, waitnika ba ai uplika maya takaia kan ba kulkras kan ba dukiara. Baku lika saurka lâka man nani tilamra âpu daukma.

Kli Smalkanka 22:29

baku kaka waitnika ba tiarika aisika ra silbar mâ 50 aibapbia; bara swira daukan tâwan ai maya bribia, swiaia wauhkataya sip daukbia apia ai rayaka aiska ra.

Jasua 9:7

Israel luhpia nani bui heveo nani ra pana win: —Man nani ba naura yang nani tawanki lamara iwisma baku mai kaikisna; ¿bara yang nani nahki man nani wal lâ daukamna?

Wihta Nani 14:1

Yu kumi kan Samson Timnat tawanka ra wan, bahara filisteo mairka kumi ra ai nakra mangkan.

Wihta Nani 9:28

Bara Gáal aisi kan: “¿Abimélec lukisa witin baman waitna sa? Witin ba Jerubaal luhpia waitna kum baman sa, bara Zebul lika ai hilpika brisa. Yawan sut na Siquem wina atia, ¿bara yawan nani sut na dîa daukisa, dîa muni witin ai mawanra alba baku tauki kaia? Yawan lika Hamor albika nani, witin sika Siquem tawanka sakan waitnika ba, sakuna Abimélec albika lika yawan takaia apia.