Blasi Sturka 34:14 - DAWAN BÎLA AISKA

¹⁴ bara witin nani bui witin ra win: —Yang nani laikra ba, waitna kum ai wîna ra Aisa sainka ba klaki mangkras waitnika ba ra sip yabras. Aisa sainka ai wîna ra mangkras waitnika kum, yang nani tili wina mairin briaia ba lika wan swira lâka tara kum sa.

Blasi Sturka 34:14 ပူးပေါင်းရင်းမြစ်များ

Blasi Sturka 17:11

Man nani wînam taya ba klaki param sakaia sma, bara baha ba man nani wal yang lâ daukisna ba tukinka kabia.

Blasi Sturka 17:14

Ya Gâd sainka klaki mangkras nani ba tilam wina kangbi sakan kaia sa, kan yang lâ daukri ba witin kulkras ba mita.

Blasi Sturka 34:13

Ban sakuna, Siquem mita Dina ra swira tara daukan bamna, Jekob luhpia waitna nani pana, Hamor papika ra sin kunin munan,

Blasi Sturka 34:15

Sakuna naku dauki natka ra baman lika, yang nani âu mai wiaia sip sna: man nani sin, yang nani wîni ra daukisna ba baku, wînam ra daukaia wima kaka. Waitna nani sut man nani tilamra ba, ai wîna ra klaki Aisa sainka ba mangkaia.

2 Samuil 1:20

Gat uplika nani ra wipara, Ascalón yabalka nani ra sin sturka na aisapara, filisteo mairin nani ba lilia takbia apia dukiara, baha idan mairin nani ba sin lilia pulbia apia mata.

2 Samuil 15:7

Mani walhwal alkan ba ra, Absalón king ra win: —Yang bui king ra mamkabisni, ai swika Hebrón ra wamna, Dawan ra pramis takri ba bîli kat daukaia.

1 King Nani 21:9

Bara wauhkataya nani ulban kan ba naku kata: “Maisa paki banhs plun piaia apia, bara Nabot ba upla nani mawanra mangks.

Matiu 2:13

Sinskira nani mahka wan ba ningkara, Dawan insalka kum yaprisauhkan ra Josep ra latan taki, naku win: “Man bus, bara tukta ba ai yaptika wal brih Idsip ra plaps. Bahara takasks yang maisam pakamna ba kat, kan Herod tukta ba ikaia wisi plikbia bamna.”

Matiu 2:8

Bara witin nani ba Betlehem ra blikan wan, bara naku win: —Man nani bahara was, bara tukta ba tânka pain pali makabi wals, sâkma ba ra, bal maisi paks, bara yang sin wih mayunamna.

Roman 4:11

Ebraham Aisa sainka ba ningkara brin, kasak lukan ba mita Gâd mita witin ra kasakkira kulkan ba tukinka baku. Naha sim natka ra Ebraham lika Aisa sainka briras kuna kasak luki uplika nani sut aisika takan sa, baku bamna Gâd mita param aisisa witin mita sin baha nani ba kasakkira kulkisa.

Wihta Nani 14:3

Sakuna ai aisika nani pana witin ra win: —Luhpi, ¿dîa muni man filisteo mairka idan nani ba tila kat wih, mayam briaia plikisma? ¿Yawan wan taya nani tilara bara Israel taika nani sut tilara sin mairin âpu sa ki? Samson pana win: —Yang baha tiara ba sika brinki sa, witin baha wal mayi takan ai daukisa.

1 Samuil 14:6

Bara Janatan ai hilpika ra win: —Bus, kaisa tnaya wala ra iwi waia, bara baha idanka nani bâra ba wal prawbia kat. Ban kra Dawan diara kum daukbia yawan wan dukiara, yawan upla ailal kra, upla maura kra kabia, sakuna witin sip sa pura luaia lâka ba wankaia.

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.