Blasi Sturka 33:4 - DAWAN BÎLA AISKA

⁴ Sakuna Isau ai muihni wal prawaia mapara plapi wan, witin ai nana ra kiaubi alki mawan kiawalan, wal ai biartaya alki ni. Witin nani wâlsut inan.

Blasi Sturka 33:4 ပူးပေါင်းရင်းမြစ်များ

Blasi Sturka 29:11

Ba ningkara Jekob, Raquel ba alki kiawali ai lakula daukan bara ai bîla baikra tara mahka inan.

Blasi Sturka 29:13

Baku Labán sturi ba walan Jekob balan ba dukiara, baha lika ai lakrika ai luhpia waitna ba, bara taki wan witin wal prawaia, bara witin ra alki kiawali, ai watla ra bri balan. Bara Jekob Labán ra dîa ai sturka nani ba sut win.

Blasi Sturka 32:11

Mamkabisni, Dawanki, muihki Isau mihta wina ai dakbi ai sâks. Sibrin ai daukisa witin bal yang wal aiklabi ai ikbia, mayi nani sin ikbia bara luhpi nani sin sut iki tikbia.

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Blasi Sturka 43:30

Josep witin kau sip ai kupia priski briras kan, alai inan daukan. Bamna plapi ai rumka ra wih diman, bara bahara ai durka praki ban ai bîla baikra saki inan.

Blasi Sturka 43:34

Bara Josep witin ai tibilka ba wina witin nani ra plun yaban. Sakuna Benjamín ra kau plun ailal yaban, wala nani ra baku praiska yabras kan. Witin ai muihni nani aikuki plun pi bara diara di lilia pali takan.

Blasi Sturka 45:2

Bara witin ai bîla tara karna inan. Latara Idsip uplika nani sut bâra kan ba walan witin inan ba. Bara baha sturka, king fero watla bîla kat sin walan.

Blasi Sturka 46:29

Bara Josep ai albika nani ra win, ai waginka ridi daukbia witin ai aisika aula ba wal prawaia waia ba ra. Witin wih ki ai papika wal prawan ba ra, kiaubi alki brin ai pahpaya ra bara alki aihwa inan.

2 Samuil 14:33

Bamna Joab king ba kaikaia wan bara Absalón dîa aisin ba sut win, bara king ba Absalón ra paiwan. Witin king mawanra wan bara tasba kat ai lal bawan. King bui sin pana witin ra alki kiawali brin.

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Job 2:12

Bara witin nani ba Job ra sip kaikaia pliska ba kat wan, witin nani Job ra wiria kaikan ba ra ai bîla baikra karna saki ini banhwan. Bara uya pali ai kupia wirha wal, ai prâka kalki, tasba yamhpuska nani ai lal purara yakaban.

Lawana Nani 34:4

Yang Dawan ra plikri, bara witin bui yang ra ai walan, bara pana yang ra aisin, yang sibrinki nani sut wina pri ai sakan.

Sins Lâka 16:7

Upla nani daukanka ra Dawan yamni kaiki ba ra, witin ai waihla nani ra munan, witin wal kupia kumi takisa.

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Luk 15:20

Bamna witin mahka yabal ra aimaki wapan ai aisika watla mata. “Sakuna witin kau laihura kan ba ra, ai aisika mita latwan pali kaikan, bamna mapara plapi wih, ai klahkla ilingki, kiawali, witin ba brin.

Apastil Nani Sturka 20:37

Sut ini kan, bara Pal ra kiaubi alki, kiawalan.

1 Samuil 20:41

Alba ba mahka wan ba ra, walpa nani paskan ba nina wina Debit bal takan, Janatan mawanra aima yumhpa tasba ra bawan, ai lal tasba kat kangban. Ningkara pana pana kiawalan bara wal inan, Debit sarka ba ban pura lui kan.