Blasi Sturka 33:14 - DAWAN BÎLA AISKA

¹⁴ Kanra yamni sa, man nampakan na kainara man pas mahka wama; bara yang lika man ninamra tawa impaki kamna, daiwan bara tuktan nani tâiura impaki auya ba wapanka ba wal, man wal yang Seír tasbaya ra prawamna ba kat.

Blasi Sturka 33:14 ပူးပေါင်းရင်းမြစ်များ

Blasi Sturka 32:3

Bara Jekob uplika nani ba wal ai muihni ra ai bîla smalki, Seír tawanka ra blikan wan. Baha lika Edom tasbaya ra, ai muihni Isau ra ai bîla blikan wan, witin kaikaia aula ba dukiara.

Blasi Sturka 32:4

Bara witin nani ra, ai bîla naku smalkan: “Man nani muihki Isau ra wis: ‘Muihkam Jekob, naha bîla nani yang nani ra ai win, bal man ra mai wiaia: Yang naha piua nani sut ba Labán wal takaski kapri;

Blasi Sturka 33:13

Jekob pana witin ra win: —Muihki laitwankira, man nu sma tuktan nani wîna ba swapni sa; sîp bara bîp luhpia nani ba sin baku sa. Bamna yang baha nani dukiara sin luki kaikaia sna. Witin nani ba swapbia kaka, yu kum bilara sut prui tiwbia.

2 Kronikas 20:10

Bamna nanara, nâra sa Amón uplika nani, Moab uplika nani bara Seír untika biara ra iwi uplika nani sin, bara Israel luhpia nani Idsip wina aula kan taim man naha tasbaya nani ba ra diman mai daukras kan, sakuna baha wina tnaya ra tawan kan, baha mita sauhki tikras kan.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Isikiel 25:8

“Yang Dawan sna ba, naku wisni: Moab bara Seír nani wisa, Juda ba nisan nani wala wal baku sa.

Mark 4:33

Sturi yamni ba Jisas naku smalki kan: maprika lilka ni, witin nani tânka briaia sip ba kat.

Roman 15:1

Bamna yawan kasak lukan lâka ra karna banhwi ba mita swapnikira nani swapnika ba wan karbanka pali baku brih twilki kaia sa, bara yawan wan kupia lâka baman lika luki kaia apia sa.

1 Korint 3:2

Smalkanka tânka karna apia kum maikatna, tuktan swap lupia ra plun karna yabaia watlika ra tiala laya dakaki ba baku, kan man nani ba plun karna piaia sip apia katma. ¡Sakuna nanara kat sin baha pata sip piras sma,

Kli Smalkanka 2:1

“Baha ningkara yang nani Kabu Pauni ra waia yabalka bâk upla iwras tasbaya ra wari, Dawan bui yang ra ai win adarka ba baku, bara piu wihka Seír ilka lama bâk wapi tauki katna.

Wihta Nani 5:4

“Dawan, man Seír wina bal takram ba ra; man Edom twi tasbaya nani wina taki waram ba ra, tasba ba nikban kan, kasbrika purara ba sin tatatwan, kasbrika nani ba wina lî auhan.