Blasi Sturka 32:9 - DAWAN BÎLA AISKA

⁹ Bara baha luki Jekob mahka ai pura sunan: “Gâd, damiki Ebraham, aisiki Aisak Gâdka, man ai wiram yang taiya nani tilara, tasbayi ra kli tawi wamna kaka man mita daukma yabalki ra diara nani sut yamni man takaia.

Blasi Sturka 32:9 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Blasi Sturka 31:13

Betel ra Gâd bui man ra param takan Dawanka ba, baha ba yang sika, bahara man baha walpaya purara batana laiki puram suni yang ra pramis takram ba. Bamna nanara naha tasbaya wina bus. ¡Kaisa! Man aisubi takram ba tasbaya ra kli tawi was.’

Blasi Sturka 31:29

Yang karnika brisna man nani sut ra saura mai munaia; sakuna man aisikam Gâdka ba naha tihmia yang ra ai win: “Man naha wals: Jekob ra watawi aisapara.”

Blasi Sturka 31:3

Bara Dawan bui Jekob ra win: “Man aisikam nani tasbaya ra kli tawi was, tamya nani bâra ba tilara, bara yang lika man wal wamna.”

Blasi Sturka 31:42

Yang aisiki nani Ebraham Aisak wal Gâdka ba, yang wal apia kan kata kaka, kasak pali man kupiam wina lika yang na mihti bîla baman diara luha, naha wina ai swirka waia kapri. Sakuna Dawan lika yang kupi sarka lâka ba kaiki kan bamna, yang mihti warkka nani daukri ba sin, bahamna tihmia luan ra man ra lawi mai daukan.

Blasi Sturka 31:53

Damikam Ebraham Gâdka ba bara damiki Nahor Gâd ba sin witin luki kaikbia, yawan wâl wan lâka ba nahki daukaia sapa. Bara Jekob ai aisika Aisak ra ai pura suni kan Gâdka ba dukiara swer taki aisin.

Blasi Sturka 32:8

Witin naku luki kaikan: “Isau daknika kum na mapara bal sauhkbia kaka, daknika wala ba pan yukuwi swak takbia.”

Blasi Sturka 49:25

¡Tingki man aisikam Gâdka ra, witin bui man ra hilp mai munbia bamna! ¡Karnika sut bri ba Gâdka ra, witin yamni mai munbia! ¡Laih purara yamnika bâra ba, yamnika ba wal, yamni mai munbia! ¡Kabu ra yamnika nani bâra ba yamnika ba wal sin! ¡Tialka laya manis bâra ba, tukta yapti biara sahwaia yamnika ba wal sin!

2 Kronikas 20:12

Wan Gâdka, ¿witin nani ra klala yaras ki? Kan yang nani karnika luha sni, baha nani suldiar kwâra tara bri ba mapara aiklabaia. ¡Yang nani daihra walras dîa daukaia; baha mita wan nakra man kat mai kaiki banhwisna!”

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

2 Kronikas 32:20

Baha trabilka takan ba ra, king Ezequías bara prapit Aiseya, Emus luhpia ba wal, Dawan kasbrika purara ba ra ai pura sunan.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Jirimaya 32:16

“Tasba atkri wauhkataya nani ba Baruc Neria luhpia waitna ra yabri ba ningkara, yang Dawan ra puri sunri:

1 Samuil 30:6

Debit ai kupia wal uba aisin kan witin nahki daukaia, ai daknika ba bui mahka walpa ni sabaia muni kan, witin nani sut lawi pali kan ai luhpia nani ra baku takan ba dukiara. Ban sakuna, Dawan ra ai kupia lukra ba mangkan,