Blasi Sturka 32:30 - DAWAN BÎLA AISKA

³⁰ Bara Jekob baha tasbaya nina ba Penuel mâkan. Witin win: “Yang lika Gâd mawan ba laima kat kaikri, ban sakuna, yang kan pruras kau raya sna.”

Blasi Sturka 32:30 ပူးပေါင်းရင်းမြစ်များ

Blasi Sturka 16:13

Agar Dawan wal aisin bamna, witin ai nina ba naku mâkan “Dawan diara kaiki ba”, kan witin naku aisin bamna: “Dawan bui yang ra ai kaikan bara yang kau raya sni.”

Blasi Sturka 28:19

Blasi baha tawanka nina ba Luz mâki kan, sakuna nanara witin mita Betel mâkan.

Blasi Sturka 35:9

Jekob Padán-aram wina kli tawi aula kan ba ra, Gâd sin kli aima wala ra witin ra param taki yamni munan;

1 King Nani 12:25

Bamna Jeroboam Siquem tawanka ba kli paskan, baha lika Efraín ilka nani ra, bara witin bahara iwan. Bara Penuel ba sin kli paskan.

Impakan Sturka 33:14

Dawan pana witin ra win: —Man wal yang wamna ba ra, maikrika ris brima.

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Aiseya 9:5

Suldiar sûska nani war aiklabaia ra bin tara dauki kan ba, ai kwalka nani sin tala ra buswan ba, twi lâwan baku, sut pauta klauhan ra angkan kabia.

Kulki Kaikanka 12:8

Witin kat kaiki wal aisisna param pali, diara lilka bâk lika apia. Bamna witin Dawan tânka pali kaikisa kaka, ¿dîa muni man nani sibrin âpu pali yang naipakan Moses mapara saura aisi banhram ba?”

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

1 Korint 13:12

Baha sim natka ra, nanara yawan diara nani kaiki ba lukinglas ra baku sa, lilka tihmu baku; sakuna baha piua ra lika, yawan latan pali kaikbia. Nanara lika yang wiria baman kaikisna, sakuna baha piua ra lika aiska pali kakaira kamna, Gâd mita yang ra kakaira ba baku.

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Kli Smalkanka 34:10

Israel ra prapit wala âpu kan, Moses baku Dawan wal ai mawan kat aisi kan ba,

Kli Smalkanka 5:24

Bara baha nani ai win: ‘Kasak pali Dawan wan Gâd ba ai prana karnika sin wan marikan, ai bîla baikra yang nani walri, pauta klauhan lilapas wina taki kan ba. Naiwa yawan kaikan Gâd upla ra aisi ba, bara naha nani pruras sa.

Kolosi 1:15

Wan nakra ni sip kaikras Gâdka ba ai Luhpia bâk yawan ra param takan, kan Kraist lika paskanka nani sut ba tawahkia sa.

2 Timoti 1:10

sakuna nanara wan Sasakra Jisas Kraist balan ba mita, naha latwanka lâka na latan marikan sa. Kraist bui prura karnika ba sauhki tikan, bara sturi yamni bâk, sip sauhki tikras rayaka ba witin param marikan.

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.

Jasua 5:13

Yu kumi, Jasua Jeriko tawanka lamara bûi kan, witin ai lamara kaikan waitna kum sord kum ai mihta ra alki bri ai mawanra bûi kan. Jasua kau witin ai lamara dimi wan, bara waitnika ra makabi walan: —¿Man ba yawan uplika nani kum sma, apia kaka wan waihla nani wina kumika sma?

Wihta Nani 13:17

Bara Manoa kli insal ba ra win: —Baku sa kaka, ¿man ninam ba dîa sa? Ninam ba pan ai wis bara piua kat man bui yang nani ra naha ai wisma na baku diara sut man bîlam aisinka kat bal takbia ba ra, yang nani tingki tara man ra maikamna.

Wihta Nani 13:18

Sakuna insal ba kli witin ra win: —¿Man dîa kan nini ba walisma? Yang nini tânka ba sika dahra prakan tânka kum sa, aihkakira sin.

Wihta Nani 8:17

Baku sin Penuel tawanka ra tawer mâkan kan ba slingban bara uplika nani ba ikan.

Wihta Nani 8:8

Baha wina witin kli Penuel ra wan, baha nani ra sin hilp makaban, Sucot nani ra makaban baku. Sakuna Penuel uplika nani sin, Sucot uplika nani dîa aisin ba baku pana witin ra win.