Blasi Sturka 32:3 - DAWAN BÎLA AISKA

³ Bara Jekob uplika nani ba wal ai muihni ra ai bîla smalki, Seír tawanka ra blikan wan. Baha lika Edom tasbaya ra, ai muihni Isau ra ai bîla blikan wan, witin kaikaia aula ba dukiara.

Blasi Sturka 32:3 ပူးပေါင်းရင်းမြစ်များ

Blasi Sturka 14:6

Baku sin Hor uplika nani Seír ilka ra kan nani ra sin, wal aiklabi pura luan bara nina bliki plis kum El-parán upla iwras tasbaya lama kat wan.

Blasi Sturka 25:30

bara witin Jekob ra win: —Sanglang bla pat pruna na, pilala pauni brisma ba wiria pan ai dakakram. (Baha mita sika Isau nina wala Edom mâki ba.)

Blasi Sturka 32:11

Mamkabisni, Dawanki, muihki Isau mihta wina ai dakbi ai sâks. Sibrin ai daukisa witin bal yang wal aiklabi ai ikbia, mayi nani sin ikbia bara luhpi nani sin sut iki tikbia.

Blasi Sturka 32:7

Jekob baha bîla walan bara sibrin pali daukan, kasak ai kupia wal aisin. Bara witin ai uplika nani ba daknika wâl daukan, sîp nani, bîp, bara kiamil nani ba sin sut daknika wâl daukan.

Blasi Sturka 33:14

Kanra yamni sa, man nampakan na kainara man pas mahka wama; bara yang lika man ninamra tawa impaki kamna, daiwan bara tuktan nani tâiura impaki auya ba wapanka ba wal, man wal yang Seír tasbaya ra prawamna ba kat.

Blasi Sturka 33:16

Baha yua Isau kli mahka Seír ra tawi wan.

2 Samuil 2:8

Sakuna Abner, Ner luhpia waitna ba, Saúl war wihtka tara ba, Is-bóset Saúl luhpia ba Mahanaim ra brih wan,

2 King Nani 6:17

Bara Ilaidsa ai pura sunan bara win: “Mamkabisna, Dawanki, witin ai nakra ba ilingkma bara kaikbia.” Bara Dawan bui ai albika nakra nani ba ilingkan, bara kaikan il nani ba upla nani ailal, wagin nani, pauta klauhan, araska nani sin wal upla baman banhki pali kan Ilaidsa lama ba kir kan kaikan.

1 Kronikas 12:23

Naha nani sika war waitnika nani, war aiklabaia Debit wal asla takan kan ba Hebrón ra, Saúl kingka lâka Debit ra laki yaia dukiara, Dawan aisanka ba kat.

Yamni Kulki Lawana 7:1

¡Minam nani ba kaiki painkira sa, sûs dimisma piua ra, kwin mairin! Maisam daukra painkira ba gul wina diara papaskra sakahki daukan ba baku sa.

Aiseya 21:11

Edom mapara dahra aisin ba: Seír wina bîla baikra kum yang ra ai winisa: “Aihwawakra, ¿tihmia ba dîa awar sa? Aihwawakra, ¿tihmia ba dîa awar sa?”

Jirimaya 49:7

Edom uplika nani ra wiaia Dawan aisin bîla ba: “¿Temán ra sins lâka âpu takan ki? ¿Sinskira nani ba sip wiras ki witin nani dîa daukaia? ¿Sins lâka nani bri ba sut tiwan ki?

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Kulki Kaikanka 24:18

Edom pura lubia, ai waihla Seír ba ai karnika ra alkbia. Israel ba diara tara bara sibrinkira warkka nani daukbia.

Luk 9:52

Witin mita ai kainara tila upla blikan. Bara witin nani Sameria tawanka lupia kumi ra diman, takaskaia pliska kum ridi daukaia dukiara.

Kli Smalkanka 1:2

Horeb ilka ba wina, Cadés-barnea ra waia yu 11 wapi kan, Seír ilka ra waia yabalka bâk.

Kli Smalkanka 2:22

Baha uplika nani trabil brin ba, Isau kiamka bui Hor uplika nani Seír tasbaya ra iwi kan âpu dauki witin nani baha tasbaya brih iwan ba wal baku sa.

Kli Smalkanka 2:5

bara man nani lika witin wal unsapara, kan baha tasbaya wina yang pîs kum sin maikaia apia sna, kan Seír ilka tasbaya nani ba Isau kiamka nani tasbaya yang yabri.

Jasua 13:30

Kanra Basán kingka Og dukia nani kan ba witin nani brin, wibia kaka Basán aiska Mahanaim wina, 60 tawan nani Jaír dukia kan ba aikuki,

Jasua 24:4

bara Aisak ra luhpia wâl yâri, Jekob bara Isau. Bara Isau ra Seír tasbaya ilka unta biara ra ba yâri, sakuna Jekob bara ai luhpia nani wal lika Idsip ra wan.