Blasi Sturka 32:26 - DAWAN BÎLA AISKA

²⁶ Bara waitnika bui witin ra win: —Ai swis, pat lalma kahban bamna. Sakuna Jekob pana witin ra win: —Yang mai swimna apia, man yamnikam aikras sma kaka.

Blasi Sturka 32:26 ပူးပေါင်းရင်းမြစ်များ

Blasi Sturka 32:25

Bara waitna ba kaikan Jekob kau karna, witin mita sip pura luras kan, bara Jekob kilka dusa ra prukan, bara ai kuhma dusa dingkanka ba kat snikwan.

Blasi Sturka 32:27

Waitna ba witin ra makabi walan: —¿Man ninam ba dîa? Jekob pana win: —Yang nini Jekob.

1 Kronikas 4:10

Jabés Dawan ra ai pura suni, naku win: “Mamkabisna yamni ai munma bara sin tasba pîs tara kum aikma, hilp ai muns bara saura wina swaki ai sâks, baku mika yang pât wahwamna apia.” Bara dîa makaban ba kat Dawan bui yan.

Lawana Nani 67:1

Dawan ba ai kupia swapni brih, yamni wan munbia, ai nakra yamnikira ni wan kaikbia;

Impakan Sturka 32:10

¡Bara nanara ai takaskpara, aikrika kupi baiwanka witin nani purara bri balamna, bara âpu daukamna! Sakuna man kiamkam ba lika nisan tara daukamna.

Yamni Kulki Lawana 3:4

Witin nani wina lui laihura wari ba ra, yang sulki latwan kaiki uplika ba wal prak prawri. Bara mihta kat prak alkri, swiras ban alkri ba kat; yang yaptiki watla ra bri sal dingkri.

Yamni Kulki Lawana 7:5

Man lamla ba wînam tara purara ba, Carmelo ilka baku sa; tâmwa mina ba, sim balianta tritka talia baku sa: ¡king kum ai tâwa warwanka ba tilara wilki priskan sa!

Aiseya 45:11

Dawan, Israel Gâdka Holikira ba, witin paskan ba aisisa: “¿Man nani bui yang ra makabi walaia sma ki luhpi nani ba dukiara, apia kaka man nani mita ai wiaia sma yang warkki nani ba nahki daukaia dukiara sin? ¿Bara yang mihti warkka nani daukaia dukiara sin?

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Oseas 12:4

Insal kum wal aitwaki, pura luan; inan bara makaban witin ra umpira kaikbia. Gâd lika witin wal Betel ra prawan bara bahara witin wal aisin.

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

Kli Smalkanka 9:14

Yabalki wina tnaya ra taws, yang bui witin nani ba sauhki tikaisna, ai nina ba sin tasba wina diki sakaisna; sakuna man wina lika, nisan wala nani man wal kau ailal, kau karna daukaisna witin nani ba wal.’

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.