Blasi Sturka 32:14 - DAWAN BÎLA AISKA

¹⁴ guts mairin 200, 20 guts wainhka, 200 sîp mairin, 20 sîp wainhka,

Blasi Sturka 32:14 ပူးပေါင်းရင်းမြစ်များ

Blasi Sturka 30:43

Bara Jekob baku dauki natka ra yuyakira pali takan. Witin sîp ailal bri kan, alba waitna nani ailal, alba mairin nani sin ailal, kiamil nani bara biriku nani sin ailal bri kan.

Blasi Sturka 31:10

“Bara yu kumi daiwan nani ba wainhka alki kan, bara yang yaprisauhkan ra kaikri, bara kaiks guts wainhka nani ba mairin nani ba uli taiban bara luhpia nani bulni atia baikan.

Blasi Sturka 31:16

Kasak aisaia kaka, Gâd bui yang nani aisiki wina daiwra nani mihta dakban ba, baha sut ba yawan wan dukia bara wan luhpia nani dukia kan. Bahamna dîa sut Dawan bui man ra daukaia mai win ba baha kat dauks.

Blasi Sturka 31:9

Bara baku Gâd mita aisikam daiwra nani kan ba mihta dakban baha yang ra aikaia dukiara.

Blasi Sturka 32:13

Baha tihmika Jekob bahara yapan, bara ai mihta ra dîa bri kan ba wina ai muihni Isau ra prisantka nani yabaia daiwra nani bâk sakan nani ba naku kata:

Blasi Sturka 32:15

kiamil 30 luhpia sirpi nani tnaya ra, 40 bîp mairin, bîp wainhka matawalsip, 20 biriku mairin bara biriku wainhka matawalsip.

Blasi Sturka 33:11

Muihki, mamkabisni naha prisantka nani yang bui man dukiam bri balri na man alks. Gâd bui yang ra sin yuyakira ai daukan sa, nanara yang sin diara nani aitani brisma. Jekob ba kli baku aisi kan ba ra, Isau baha prisantka nani ba brin;

Blasi Sturka 43:11

Bara ai aisika pana witin nani ra win: —Natka wala ra diara daukaia yabalka wala âpu sa, bamna man nani naku dauks: man nani surunkam bilara, waitnika ba prisantka kum brih was. Wan kuntrika ra diara kau pain ba dukia nani ba wina bri si yas: wan taya ra aubaia batanka, nasma laya, isint kîa pain ba, sîka, amans mâ nani baku.

Job 1:3

Bara witin sîp 7,000, kiamil 3,000, wark bîpka nani 500, biriku mairin 500 bri kan, alba nani sin ailal pali bri kan. Lalma tasbaya ra witin baman kau upla yuyakira kan.

Job 42:12

Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000.

Sins Lâka 17:8

Kunin lâka daukanka ni ai uplika wina diara bri ba witin ba sukia spiritka bri baku ai dara walisa; ansa ansara tawi ba ra diara yamni baman witin ra takisa.

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

1 Samuil 25:2

Maón ra waitna kum bâra kan, yuyakira pali kan, sîp nani 3,000 bara guts nani 1,000 bri kan, bara ai bisniska ba sin Carmel ra bri kan, ai natka kan tawan ra baman ai sîpka nani taya ba irbi kaia.