Blasi Sturka 32:13 - DAWAN BÎLA AISKA

¹³ Baha tihmika Jekob bahara yapan, bara ai mihta ra dîa bri kan ba wina ai muihni Isau ra prisantka nani yabaia daiwra nani bâk sakan nani ba naku kata:

Blasi Sturka 32:13 ပူးပေါင်းရင်းမြစ်များ

Blasi Sturka 13:16

Man kiamkam ba tasba puknika ba baku ailal daukamni. Tasba puknika lupia bani upla sip kulki sakras ba baku, man kiamkam sin upla sip kulki sâkbia apia.

Blasi Sturka 15:5

Bara Dawan bui witin ra latak saki brih wan, bara win: —Nanara kasbrika pura ba pain kaiks, bara slilma nani ba kulki kaiks, kulkaia sip sma sapa. Man kiamkam ba slilma ailalka ba baku ailal kabia.

Blasi Sturka 18:2

bara witin ai nakra buki kaikan waitna yumhpa ai mawanra bûi kan. Witin baha kaikan wal baku aihni pali tit bûi, bara witin nani mawanra tasba kat bawi lakula daukan.

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Blasi Sturka 32:14

guts mairin 200, 20 guts wainhka, 200 sîp mairin, 20 sîp wainhka,

Blasi Sturka 33:10

Sakuna Jekob pana win: —Apia pali, muihki. Naiwa yawan wal kli prawan na yang ra yamni lukisma kaka, naha prisantka nani na bris. Man mawan kaikri ba ra, Gâd mawan kaikri baku daihra walisna. Man kupiam yamnika lâka tara wal, yamni pali ai brisma bamna.

Blasi Sturka 33:8

Bara Isau mahka witin ra makabi walan: —¿Man dîa daukaia luki kapram bara baha daiwan daknika nani ba yang wal prawaia kainamra blikram ba? Jekob pana witin ra win: —Baha lika man bui yang ra yamni ai lukma dukiara.

Blasi Sturka 42:6

Josep baha tasbaya wihtka mangkan kan bamna, tasba wala uplika nani sut ba witin ra baman waia kan plun atki briaia. Bara Josep muihnika nani sin witin ai mawanra waia kan. Witin ai mawanra sut tasba kat ai lal makupi ai lakula daukan.

Blasi Sturka 43:11

Bara ai aisika pana witin nani ra win: —Natka wala ra diara daukaia yabalka wala âpu sa, bamna man nani naku dauks: man nani surunkam bilara, waitnika ba prisantka kum brih was. Wan kuntrika ra diara kau pain ba dukia nani ba wina bri si yas: wan taya ra aubaia batanka, nasma laya, isint kîa pain ba, sîka, amans mâ nani baku.

Blasi Sturka 43:26

Josep ai watla ra wih diman ba ra, witin nani ba witin ai mawanra bal ai lula kriki, ai lal tasba kat makupan, bara prisantka bri balan ba witin ra yaban.

Nihimaya 4:13

Ba mita yang wîri ani pîska mâyara kan ba ra, kutbanka wala ra, bara ani tani ra param kan ba ra sin, upla nani ba kiamka bani wina bara aihwakaia mangkri, ai sordka nani bri, ai langsika nani bri bara ai trisbaya nani ba sin brih aihwakaia.

Sins Lâka 17:8

Kunin lâka daukanka ni ai uplika wina diara bri ba witin ba sukia spiritka bri baku ai dara walisa; ansa ansara tawi ba ra diara yamni baman witin ra takisa.

Sins Lâka 18:16

Witin prisant kum brih auya ba mita, dur nani ba sut kwâkuya, bara upla kulkanka bri ba kat auya.

Sins Lâka 19:6

Upla ai kupia swapni bri, ai uplika hilpka ra ai mihta param bri ba, upla sut witin ra pliki baha uplika wal ai uplika takisa.

Sins Lâka 21:14

Sins bri tânka ra prisant yabi ba wan kupia baiwanka kau tara ba sin lamni daukisa.

1 Samuil 25:27

Nanara yang bui man ra puri sunisni, naha prisantka nani bri balri na uplikam nani ra yui yan kabia;

1 Samuil 25:8

Albikam nani ra makabi walaia sip sma, witin nani bui kasakka ba mai wibia. Bahamna yang bui man ra makabisni, nanara man wiria luki kaikma naha wahma nani dukiara, piua yamni ra witin nani man ra balan sa, bara yawan ra diara wankma man mihtam ra brisma ba wina, witin nani ai dukia, yang duki sin, kan yang na man luhpiam kum baku sna.”