Blasi Sturka 31:53 - DAWAN BÎLA AISKA

⁵³ Damikam Ebraham Gâdka ba bara damiki Nahor Gâd ba sin witin luki kaikbia, yawan wâl wan lâka ba nahki daukaia sapa. Bara Jekob ai aisika Aisak ra ai pura suni kan Gâdka ba dukiara swer taki aisin.

Blasi Sturka 31:53 ပူးပေါင်းရင်းမြစ်များ

Blasi Sturka 11:31

Bara Térah ai luhpia Ebram ba brin, ai mula Lot sin, Harán luhpia ba, ai luhpia Ebram maya Sarai, ai mula yapti ba sin. Baha nani aikuki Ur Caldea nani tasbaya wina takan, Kenan tasbaya ra waia dukiara. Ban sakuna, Harán tawanka kat wan taim, bahara witin nani takaskan.

Blasi Sturka 14:22

Sakuna Ebram pana Sodoma kingka ra naku win: —Gâd Laih Purara iwi ba ra yang mihti bukri, kasbrika pura bara tasba sin papaskra ba,

Blasi Sturka 16:5

Bara Sarai bila Ebram ra win: —Agar yang ra bahki ai kulki ba pâtka ba, man puramra sa. Yang mita sika mairka ba man mairkam maikri, sakuna witin ai luhpia kum briaia sa, bara nanara witin kau tara ai dara walisa bara yang ra bahki ai kulkisa. Sakuna Dawan mita wan wibia ya ba pâtkira ba, man, apia kaka yang.

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 31:42

Yang aisiki nani Ebraham Aisak wal Gâdka ba, yang wal apia kan kata kaka, kasak pali man kupiam wina lika yang na mihti bîla baman diara luha, naha wina ai swirka waia kapri. Sakuna Dawan lika yang kupi sarka lâka ba kaiki kan bamna, yang mihti warkka nani daukri ba sin, bahamna tihmia luan ra man ra lawi mai daukan.

Blasi Sturka 31:52

Yawan wal pana witnis aimaki kabia. Yang sin naha piarka lainka na lui wih man ra saura mai munaia apia, pana man sin naha piarka lainka lui balram na ai sauhkaia apia.

Blasi Sturka 47:31

—¡Yang ra swer taks! —ai aisika taibi aisin. Josep witin ra swer taki aisin, bara Israel ai krikrika wihta ra ai lal makupan.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 5:21

Bara witin nani bui Moses bara Eran ra win: —Dawan kaikisa man nani daukisma ba, man nani tamka mita king fero ai uplika nani aikuki yang nani ra saura ai kaikan sa, man nani mita sin witin nani mihta ra sord mangkram yang nani ra ai ikaia mata.

Kli Smalkanka 6:13

Dawan Gâdkam ra mayuns bara witin warkka baman dauki bas, bara swer takaia kaka, Dawan nina ra baman dauki banhwi bas.

Jasua 24:2

bara upla sut ra win: —Dawan bara Israel Gâdka ba, naku wisa: ‘Blasi piua ra Térah bara ai luhpia nani Ebraham bara Nahor ba aikuki, man nani almukkam nani ba, Éufrates awalka un ra iwi kata bara gâd bahki nani ra mayunan.

Wihta Nani 11:27

Yang bui man ra diara saura kumi sin mai munras. Sakuna man sika saura daukisma, wan mapara aulma wan aiklabaia. Sakuna Dawan ba sika wan wihtka ba, bamna witin lika Israel luhpia nani dukiara, baku sin Amón luhpia nani dukiara lâ daukbia.”

1 Samuil 20:23

Naha pramiska yawan dauki na, Dawan ba wan witniska kabia piua sut ra.

1 Samuil 24:12

¡Dawan bui yawan wal wan lâka ba daukbia, witin bui king ra pana munbia! Yang bui daukaia sna ba lika, mihti bukamna apia pali king tara ba mapara.