Blasi Sturka 31:32 - DAWAN BÎLA AISKA

³² Sakuna yang nani tili na wina ya man gâdkam nani ba brisa kaka, baha uplika ba lika pruaia kabia. Yang taiya nani nâra na witnis sa: bamna man ai wis, dîa man dukiam yang nâra brisma kaka, brih was. Sakuna Jekob nu âpu kan Raquel baha aidulka nani ba implikan kan ba.

Blasi Sturka 31:32 ပူးပေါင်းရင်းမြစ်များ

Blasi Sturka 13:8

Bamna yu kumi Ebram bila Lot ra win: “Man ba yawan wal wan taya sa, bara yamni apia sa wan tilara unsaban bri kaia, man daiwram main kakaira nani ba bara yang daiwri main kakaira nani ba wal.

Blasi Sturka 19:7

bara witin nani ra win: —Upliki nani, man nani ra mamkabisna baha saurka pali lika man nani daukpara.

Blasi Sturka 30:33

Bara baha daukamna ba ningkara, man wih kaikma yang maina dîa briri ba. Man baku kaikma yang kunin mai munras lâ kat daukri ba tânka. Man bui yang daiwri dakni ba tilara, daiwan bulni apia ba sâkma sapa, mapla sât sât ba sin; baku sâkma kaka, yang bui man daiwram nani ba implikri kabia.

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Blasi Sturka 31:23

Labán ai taya nani aikuki, Jekob bliki alkaia wisi nina bliki ninara wan. Wik kum ningkara, Galaad ilka nani tilara kan bliki alkan.

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

Blasi Sturka 31:31

Bara Jekob pana Labán ra win: —Yang sibrin ai dauki kan, lukri ban kra man kupiam baiki luhpiam nani ba kli mihti wina dakbi brima wisi.

Blasi Sturka 31:33

Bara Labán Jekob tintka watla ra pas dimi ai gâdka nani ba plikan. Ningkara Lea tintka watla ra dimi plikan. Baha wina albika mairin nani tintka watla ra sin dimi plikan, sakuna sakras kan. Bara Lea tintka watla ra dimi pliki si baha wina taki, Raquel tintka watla ra dimi plikaia wan;