Blasi Sturka 31:19 - DAWAN BÎLA AISKA

¹⁹ Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Blasi Sturka 31:19 ပူးပေါင်းရင်းမြစ်များ

Blasi Sturka 24:38

Ban sakuna, man ba yang aisiki tasbaya ra was, taiya nani tilara, bara baha nani masraka wina luhpi maya ba pliki sâks.’

Blasi Sturka 31:20

Jekob witin mahka auya ba, Labán Aram waitnika witin ra kunin munan bara maisa pakras taki wan.

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

Blasi Sturka 31:32

Sakuna yang nani tili na wina ya man gâdkam nani ba brisa kaka, baha uplika ba lika pruaia kabia. Yang taiya nani nâra na witnis sa: bamna man ai wis, dîa man dukiam yang nâra brisma kaka, brih was. Sakuna Jekob nu âpu kan Raquel baha aidulka nani ba implikan kan ba.

Blasi Sturka 31:34

sakuna Raquel lika aidulka nani ba brih kiamil satilka bilara yukuki, bara witin baha purara uli iwan. Bara Labán bal utla aiska ba pliki taukan, sakuna ai gâdka nani ba sakras kan.

Blasi Sturka 31:35

Bara Raquel ai aisika ra naku win: —Aisiki, yang nanara iwi man mamwanra sip buras sna wisi kupiam baikpara, kati siknis brisna ba mita yang sip man mamwanra buras. Bara Labán aidul nani ba pliki ban watauki kan, sakuna sip sakras kan.

Blasi Sturka 35:2

Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

Blasi Sturka 38:13

Tamar walan ai dapna ba Timnat ra aula ai sîpka nani taya irbaia.

2 Samuil 13:23

Mani wâl luan ba ningkara, Absalón uplika nani ba Baal-hasor ra, Efraín tasbaya lamara, sîp nani taya irbi kan, bara Absalón mita king luhpia nani sut paiwan witin wal plun piaia.

2 King Nani 23:24

Baku sin Josías ba sukia nani, diara wan kanra takaia nani ba nu wan munisa wisi kunin aisi nani ba, upla nani ai tila kat aidul nani bri kan ba, bara aidul wala saura nani Jerusalem bara Juda wal ai tilara bri kan nani ba sut âpu daukan, baha bîla lâka nani prîs Hilquías mita Dawan watla ra kan sakan ba wauhkataya ra ulban kan ba tânka kat.

Isikiel 21:21

Babilon kingka ba, yabalka wâlsut tâ pali ra buan sa, bara dîa kaia ba laki kaikisa: Trisba nani ba nikbisa, ai gâdka nani ra walisa, daiwan âuya nani ba laki kaikisa.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Jasua 24:2

bara upla sut ra win: —Dawan bara Israel Gâdka ba, naku wisa: ‘Blasi piua ra Térah bara ai luhpia nani Ebraham bara Nahor ba aikuki, man nani almukkam nani ba, Éufrates awalka un ra iwi kata bara gâd bahki nani ra mayunan.

Wihta Nani 18:31

Dawan ra pura sunaia watla ba Siló ra bâra kan, baha piua sut ba, bara gâdka bahki nani ba sin bâra ban kan witin nani ai tilara.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”

1 Samuil 19:13

Bara Mical wih utla bîla wina aidul tara kum bri si, Debit krikrika ra suni swin, bara wihta kahbaika kum mangkan, guts taya ni pitbi daukan ba ni pura biki swin.

1 Samuil 25:2

Maón ra waitna kum bâra kan, yuyakira pali kan, sîp nani 3,000 bara guts nani 1,000 bri kan, bara ai bisniska ba sin Carmel ra bri kan, ai natka kan tawan ra baman ai sîpka nani taya ba irbi kaia.