Blasi Sturka 30:4 - DAWAN BÎLA AISKA

⁴ Bara baku natka ra Raquel ai albika mairin ba ai maya Jekob ra yan wal briaia. Jekob witin wal prawan ba ra,

Blasi Sturka 30:4 ပူးပေါင်းရင်းမြစ်များ

Blasi Sturka 16:2

Bara Sarai mita ai maya Ebram ra win: —Man kaikisma, yang na Dawan mita biairapara ai daukan; bamna yang mamkabisni, man albiki mairin Agar wal bris, bara baku ban witin wina yang luhpi nani brimna. Bara Sarai makaban ba, Ebram yamni kulkan.

Blasi Sturka 21:10

Baha lawaska kiki kan kaikan ba tâka wina, Sara Ebraham ra win: “¡Naha albika mairin na ai luhpia wal utla wina taki wabia! Alba mairin luhpia ba sip apia sa, yang luhpi Aisak wal baku man prapatikam dawanka takaia.”

Blasi Sturka 22:24

Baha purkara Nahor ai luhpia wala nani sin bri kan ai maya wala Reumá wal baikan nani ba: Teba, Gáham, Tahas, bara Maacá.

Blasi Sturka 25:1

Ebraham mairin wala wal ai maya takan, nina ba Queturá.

Blasi Sturka 25:6

Mairin wala wina witin ai luhpia waitna nani bri kan ba, witin kau raya kan bara baha nani ra prisantka nani baman yaban, bara baha ningkara baha nani ba Aisak wal dakbi sakan, lalma tani tasbaya ra blikan witin nani bahara wih iwaia.

Blasi Sturka 29:29

Bara Labán kli Raquel ra ai albika mairin Bilhá sin yaban witin ai warkka dauki kaia.

Blasi Sturka 30:5

Bilhá kwihra tiwan bara Jekob luhpia waitna kum baikan.

Blasi Sturka 33:2

Ai albika mairin nani ba, luhpia nani aikuki, baha nani tâura wapaia mangkan; baha nani ninara Lea ai lupia nani aikuki wapan, bara lâs ra Raquel Josep wal wapaia mangkan.

Blasi Sturka 35:22

Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan. Jekob luhpia nani sut ba ra 12 kan.

Blasi Sturka 46:25

Naha nani sin Jekob luhpia waitna nani Bilhá baikan ba. Bilhá ba sin Labán albika mairin kan, bara witin ai luhpia mairin Raquel ra prisant yaban, bara witin wina ai kiamka nani ba upla 7 sakan.

2 Samuil 12:11

Yang Dawan, param aisisni: Yang daukamna man pali wamtla bîla wina, saura ba man mampara takbia, man pali mamwanra mairkam nani ba brimna bara tamya kumika ra yabamna witinka wal yapbia, yu lapta ingnika param pali ba kat.