Blasi Sturka 30:14 - DAWAN BÎLA AISKA

¹⁴ Yu kumi Ruben plawar mâ krikaia piua ra, insla ra taki wan. Bara luhpa baikaia natka mâ nani sakan nina ba mandrak, bara witin dusa mâ ba ai yaptika Lea ra bri si yaban. Bara Raquel sin dusa mâ nani ba kaikan, bamna Lea ra win: —Luhpiam dus mâ nani bri balan ba wina pliskam yang ra sin mâ wâl aik.

Blasi Sturka 30:14 ပူးပေါင်းရင်းမြစ်များ

Blasi Sturka 25:30

bara witin Jekob ra win: —Sanglang bla pat pruna na, pilala pauni brisma ba wiria pan ai dakakram. (Baha mita sika Isau nina wala Edom mâki ba.)

Blasi Sturka 30:15

Bara Lea pana witin ra win: —¿Man pat mayi ai dakbi brisma, bara witin wal aitani sma apia? ¿Bara nanara luhpi dus mâ sal aikan ba sin man kli ai dakbi briaia lukisma? Bara Raquel kli aisin: —Baha luhpa baikaia saika mâ nani luhpiam bri balan ba, yang ra sin aik bara baha mana man naha tihmia Jekob wal yaps.

Blasi Sturka 30:16

Tutni mahka tihmia iwan ra, Jekob unta wina utla ra aula kan, Lea taki wan witin ai lakula daukaia bara witin ra win: —Na tihmia man ba yang wal yapaia sma, kan mairin luhpa baikaia saika luhpi bri balan ba mana yang pat mamna aibapri, man ba yang wal yapaia dukiara. Bara Jekob baha tihmia witin wal yapan.

Yamni Kulki Lawana 7:13

Mandrak tangnika nani ai kîa pain wauhisa; wan durka nani kat dus mâ sâtka sut bâra sa; dus mâ lâwan bara dus mâ kau lâwras raya sin, man dukiamra suni swiri, laitwankira waitna.