Blasi Sturka 3:17 - DAWAN BÎLA AISKA

¹⁷ Bara waitna ra sin win: —Man mayam bîla baikra wali bîla walram bamna, man ra mai wisatna baha dusa ba wina mâ pipara, sakuna man ban dusa ba wina mâ piram; bamna man tamka, tasba na lahtuban kabia. Rayakam yua nani sut sarkam lâka ra tasba wina patam saki pi kama.

Blasi Sturka 3:17 ပူးပေါင်းရင်းမြစ်များ

Blasi Sturka 3:11

Bara Gâd bui witin ra win: —¿Ya mamrikan man ba susu sma ba? ¿Yang bui man ra adar maikri baha dusa wina pima apia, dîa baha wina piram ki?

Blasi Sturka 3:18

Kiaya wihki rahra wal saki maiki kabia, bara man insla namya ba pima.

Blasi Sturka 3:6

Bara mairin baha walan ba ra, dusa ba kaikan, dusa mâ ba piaia painkira kan. Witin ai nakra nani ra sin pain kan, bara dusa ba sin mahka pin dauki kan, sinskira takaia dukiara. Bara mâ ba wina brin, bara pin. Baha ningkara ai maya ra sin yan, bara witin sin wal baku brih pin.

Blasi Sturka 5:29

bara ai nina ba Noa mâkan, bara win: “Kan Dawan mita tasba ba lahtuban bara wan mihta warkka karna nani yawan takbia mangki sakaia dukiara; sakuna naha tuktika baha pâtka wina pri wan sâkbia.”

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Job 14:1

Mairin wina aisubi takan uplika bani ba, rayaka kunhku brisa, pât dimaia lamara ban sa.

Job 21:17

¿Ahkia upla watawikira nani ingnika ba daswata ki? ¿Ahkia pât ra dimata ki? ¿Ahkia Gâd bui witin nani wal ai kupia sauhkan bara munan pât wahwata?

Lawana Nani 127:2

Wark karna pali taki kaia, sari lâka ra plun piaia dukiara, titan pali buaia bara tihmia let kat yapaia ba. Gâd yaura latwan kaiki ba, kan manas pata yabisa witin nani kau yapi ba ra.

Smasmalkra 2:11

Ningkara yang mihti warkka nani sut ba kulki kaikri, nahki karna ai munan ba, baha sut daukaia, bara tânka briri baha sut ba bahki baman ba, pâsa ra alkaia baku praiska, bara naha tasba ra diara yamni kum wina hilp briaia âpu sa.

Smasmalkra 2:17

Raya kaia ba ra misbara kaikri, kan diara nani sut naha tasba ra dauki ba, maipara sa. Kasak pali baha sut ba bahki man sa, ¡pâsa ra alkaia baku sa!

Smasmalkra 5:17

Baha sut purkara ai rayaka ba lui wan sa, tihmu tara ra, kupia kriwan ra, latwan, umpira lâka baman.

Matiu 22:12

Bara witin ra win: ‘Upliki, ¿nahki kan man marit kwalka dimras si nâra ban bal dimram?’ Sakuna wala ba diara kumi sin aisaras.

Matiu 25:45

Bara King ba mita pana wibia: ‘Kasak pali man nani ra mai wisna, dîa dîa naha uplika nani bawikira kumi ra daukras kapram kaka, yang dukiara sika man nani daukras.’

Luk 19:22

Bara kingka mita pana win: ‘Alba saura, man bîlam aisisma ba wal lâmka daukamna. Yang waitna karna sna tânka ba man kaikisma, bara wahbisna yang mita iki swiras sna ba wina, bara mâ sin krikisna yang mita mangkras sna ba wina.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Hibru Nani 6:8

Sakuna kiaya nani bara rahra nani sakisa kaka, baha lika bahki sa; witin ba Gâd mita lahtubia trabilka ra sa, tnata kat pauta wal angki sauhki tikan kabia.