Blasi Sturka 29:31 - DAWAN BÎLA AISKA

³¹ Bara Dawan kaikan Jekob mita Lea ra uya yamni kaikras kan ba. Bara witin ra luhpa nani yaban, sakuna Raquel lika biarapara daukan.

Blasi Sturka 29:31 ပူးပေါင်းရင်းမြစ်များ

Blasi Sturka 11:30

Sakuna Sarai ba biarapara, luhpias kan.

Blasi Sturka 16:1

Sarai ba sip Ebram ra luhpia baiki yaras kan. Sakuna witin ai albika mairin kumi bri kan, mairka ba Idsip wina kan, nina ba Agar.

Blasi Sturka 20:18

kan Sara, Ebraham maya tâwan Dawan mita Abimélec watla uplika sut ba biara prakan kan bamna.

Blasi Sturka 25:21

Rebeca ba biarapara sip luhpa baikras kan, bara Aisak ai maya dukiara Dawan ra ai pura sunan. Ai pura sunan ba Dawan walan bara Rebeca kwihra tiwan.

Blasi Sturka 27:41

Bara Isau baha yua wina Jekob ra misbara kaikata, baha yamnika ba ai aisika witin ra yaban kan bamna. Bara Isau ai kupia ra lukan: “Aisiki pruanka dukiara sari bri inaia yua nani ba aimakaia pat baila sa; bamna baha yua ba lubia ba ningkara, yang muihki Jekob ba ikamna.”

Blasi Sturka 29:30

Bara Jekob ba Raquel wal sin prawan, bara witin ra kau latwan kaikan. Âu, witin kli 7 mani wala kum Labán warkka takaia kan, sakuna bâra lika lukras kan.

Blasi Sturka 29:32

Lea kwihra tiwan bara ai luhpia waitna kum baikan, bara ai nina ba Ruben mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”

Blasi Sturka 30:22

Bara Gâd Raquel dukiara ai kupia krawan, witin ai pura suni ba walan bara witin ra sin luhpia nani kau yabaia win.

Blasi Sturka 35:23

Lea wal baikan nani ba Ruben, ai tawahkia ba; baha wina Simian, Libai, Juda, Isacar bara Zabulón.

Lawana Nani 127:3

Tukta nani aisubi taki ba, baha nani sut ba, Dawan yamnika tara sa.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Malaquía 1:3

bara Isau ra lika misbara kaikri. Isau tasbaya ilka ba twi langni kan wina, upla iwras tasbaya daukri bara ai tasbaya ba, daiwan wail nani baman dukiara yamni sa.”

Matiu 10:37

“Ya ya ai aisika ra, apia kaka ai yaptika ra yang purkira latwan kaikisa kaka, yang upliki kaia sip apia sa; baku sin, ya ai luhpia waitna, apia kaka ai luhpia mairin ra yang purkira latwan kaikisa kaka, yang upliki kaia sip apia sa.

Matiu 6:24

“Upla kumi sin dawan wâl dukia sip daukras, kan kumi ra misbara kaikbia, bara wala ra latwan kaikbia; kumi ra kasak kulkbia, wala ra bahki kulkbia. Man nani sip apia sma Gâd bara lalah wal dukia daukaia.

Luk 1:7

Witin nani luhpa âpu kan, Elisabet lika biarapara kan bamna; bara baha purkara, witin wâlsut pat almuk pali takan kata.

Luk 14:26

“Upla kumi yang ra aula, sakuna witin ai aisika, ai yaptika, ai maya, ai luhpia nani, ai muihni nani, ai lakra nani bara ai rayaka ba sin bahki kulkras kaka, witin sip yang disaipilki kabia apia.

Jan 12:25

Ani uplika ai rayaka ra latwan kaiki ba lika witin tikbia; sakuna naha tasba ra ani uplika ai rayaka bahki kulkbia kaka, witin lika ban kaia ra swaki sâkbia.

Apastil Nani Sturka 7:8

Baha ningkara Gâd mita Ebraham wal lâ kum daukan, bara baha lâka aisin tukinka ba yan. Baha mita sika Ebraham mita Aisak baikan bara yu 8 alkan ba ra, Aisa sainka daukan. Aisak sin ai luhpia Jekob ra baku daukan, bara Jekob ai luhpia 12 nani ra sin Aisa sainka daukan. Witinka nani sika Israel kiamka 12 nani aisika nani kan ba.

Kli Smalkanka 21:15

“Sakuna waitna kum mairin wâl brisa, kuna kumi ra latwan kaiki wala ra latwan kaikras, sakuna wâlsut ra luhpa yaban bara luhpia almukka ba mairin latwan kaikras ba wina sakan,

Rut 4:13

Baku sika Booz Rut wal brin, bara ai maya takan. Witin nani wal prawan bara Rut kwihra tiwan, bara Dawan bui witin nani ra ai luhpia waitna kum yan.

1 Samuil 1:20

Bara baku Ana kwihra tiwan, piua aimakan kat ai luhpia waitna kum brin, bara nina ba Samuil mâkata, kan witin mita Dawan ra makaban kata.

1 Samuil 1:27

Dawan ra makabri luhpa waitna kum aikaia, bara witin bui yang ra naha aikan.

1 Samuil 1:5

Ana ra witin latwan pali kaiki kan bamna, dîa witin ra yabaia kan bâk saki yan, Dawan bui witin ra luhpa yaras kan sakuna.

1 Samuil 2:21

bara Dawan bui Ana ra yamni munan, witin kwihra tiwan, ai luhpia waitna yumhpa bara ai luhpia mairin wâl brin, bara Samuil lika ban Dawan lâka ra pâwi kan.