Blasi Sturka 29:2 - DAWAN BÎLA AISKA

² Bara witin kaikan, liwanhta kumi twi ra bâra sa, bara kaiks sîp daknika yumhpa sin baha lamara bâra sa. Sîp nani ba baha wina lî dakaki kan, bara walpa tara kum ni liwanhta ba pura prakan kan.

Blasi Sturka 29:2 ပူးပေါင်းရင်းမြစ်များ

Blasi Sturka 24:10

Bara albika ba ai dawanka wina diara prisant yaia dukia nani sin brin, diara kau painkira nani ba brih waia. Baha purkara kiamil nani ba tila wina kiamil matawalsip brin bara baha sut brih bara mahka taki wan Mesopotamia ra, Nahor tawanka ra.

Blasi Sturka 24:11

Alba waitna ba tawan lata tani ba kat wan ba ra, lapta ba mahka tihmia iwi kan. Baha awarka kat mairin nani ba liwanhta ra balan lî panhkaia. Alba waitna ba ai kiamilka nani ba ris bribia dukiara, liwanhta kum lamara yan bawi kan.

Blasi Sturka 24:13

Naha tawanka wina tiara nani nâra lî panhkaia aula ba ra, yang nâra ban takaskamni liwanhta na lamara.

Blasi Sturka 29:3

Sîp nani ba sut bahara asla kuki bara walpa tara ba liwanhta pura wina saki bara daiwan nani ba lî dakaki, ningkara walpaya ba ni kli pura praki kan.

Lawana Nani 23:2

Twi kura pâwi tasbaya nani ra aitnikaia aikisa, lî lamni nani lamara ai bri taukisa.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 4:6

Bahara sika Jekob layawanhta mâki banhwi kan ba bâra kan. Jisas yabal wihka pali wapan ba mita swapan kan bamna, layawanhta ba lamara iwan; baha piua ba lika pat yu wan lal kat baila kan.

Param Marikanka 7:17

kan Sîp Luhpia ba, witinka king iwaika lilapas kat ba witin nani ra sîp baku main kaikbia, bara witin nani ba raya kaia laya kârma nani kat brih wabia; bara Gâd bui witin nani nakra wina nakra laya nani ba sut diki sâkbia.”

Wihta Nani 5:11

¡bukra, daiwan lî dakakaika nani ba tilara, upla nani ra sin wis miusik binka dauki ba man nani walma ba ra, Dawan ai waihla nani pura luan ba, baha man nani maisa paks, Israel tawanka luhpia nani sin ai waihla nani pura luan ba dukiara puram wini aisas!