Blasi Sturka 29:1 - DAWAN BÎLA AISKA

¹ Jekob ai yabalka bâk ban wan, bara lalma kuntrika tasbaya ra balan.

Blasi Sturka 29:1 ပူးပေါင်းရင်းမြစ်များ

Blasi Sturka 24:10

Bara albika ba ai dawanka wina diara prisant yaia dukia nani sin brin, diara kau painkira nani ba brih waia. Baha purkara kiamil nani ba tila wina kiamil matawalsip brin bara baha sut brih bara mahka taki wan Mesopotamia ra, Nahor tawanka ra.

Blasi Sturka 25:20

Aisak mani 40 bri kan piua ra Rebeca wal marit takan. Mairka na Betuel luhpia mairin, lakrika ba Labán, baha sika Aram uplika nani Padán-aram tasbaya ra iwi kan ba.

Blasi Sturka 25:6

Mairin wala wina witin ai luhpia waitna nani bri kan ba, witin kau raya kan bara baha nani ra prisantka nani baman yaban, bara baha ningkara baha nani ba Aisak wal dakbi sakan, lalma tani tasbaya ra blikan witin nani bahara wih iwaia.

Blasi Sturka 35:1

Gâd bila Jekob ra win: “Bus bara naha wina mahka was, Betel ra wih bahara iws. Man muihkam Isau wina sîa plapi kapram, Gâd bui man ra param takan ba tasbaya ra. Bahara man puram sunaia altar kum paskma.”

Blasi Sturka 35:7

Bahara witin altar kumi paskan, bara tasbaya nina ba Betel Gâdka mâkan. Witin ai muihni wina sîa plapi kan bara bahara sika Gâd bui witin ra param takan ba.

1 King Nani 4:30

Bara Salaman sinska lâka ba kau tara pali kata lalma uplika sut ba wal, Idsip uplika nani aiska sinska lâka ba wal sin.

Lawana Nani 119:32

Yang pat pali man lâmka bîla nani ba aiska daukamna, kan man bui yang kupi ba lilia lâka ni banhkisma bamna.

Lawana Nani 119:60

Yang aihni munri, takaskras kira, man lâmka bîla nani ba bri daukaia.

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Oseas 12:12

Jekob, Aram tasbaya nani ra plapi wih, bâra kan ai maya briaia dukiara, sîp main kaikaia warkka dauki kan.

Kulki Kaikanka 23:7

Bara Balaam dahra aisaia bîla na aisin: “Lalma tasbaya ilka nani wina, Aram wina Moab kingka Balac mita ai brih balan. ‘Bal —ai win—, Israel luhpia nani ra lahtubanka yas, Jekob uplika nani ra sin wima ba aitani kabia sapa nu âpu sna.’

Wihta Nani 6:3

Piua bani Israel luhpia nani ai nasla dauki mangki bri kan ba, mâ nani ba Madián uplika nani bara Amalec uplika nani lalma tani ra iwi kan ba bal, pura lui bri kan.

Wihta Nani 6:33

Bamna Madián uplika nani, Amalec uplika nani bara lalma tani tasbaya ra iwi uplika nani ba sut, asla taki Jordan awala Jezreel ilka bîla ra ai kiampka bapan.

Wihta Nani 7:12

Madián uplika nani, Amalec uplika nani bara lalma tasbaya uplika nani ba sut il bîla langnika ba ra tristrisia ailalka yakawi ba baku bâra kan. Kiamil nani sin ailal pali bri kan, kabu un ra auhya mâ ailalka ba baku.

Wihta Nani 8:10

Zébah bara Salmuná wal, lalma tasbaya wina aiklaklabra nani kau 15,000 raya kan ba aikuki, Carcor ra takaski kan aiklaklabra 120,000 lika pat ikan kan.