Blasi Sturka 28:22 - DAWAN BÎLA AISKA

²² Naha walpaya playa bapanka kum bapi swisna na, naha na Gâd watla kabia; bara diara nani sut aikisma ba wina, mânka matawalsip bani ba wina, mânka kumi ba man ra maiki kamna piua sut ra.”

Blasi Sturka 28:22 ပူးပေါင်းရင်းမြစ်များ

Blasi Sturka 12:8

Baha wina bahara wiria takaski si kli impakan, Betel ilka untika lalmika tani ra wan; bahara ai tintka watla bapan. Betel ba muna tani ra tawan, Ai tawanka ba lalma tani ra. Baha wal lila kat altar wala kum paskan, bahara witin Dawan nina mâki ai pura sunan.

Blasi Sturka 14:20

Bara Gâd Laih Purara iwi ba nina ba mayunan kabia, witin mita sip mai daukan waihlam nani pura luram ba.” Bara Ebram witin diara nani sut dakbi brin ba wina, matawalsip wina kumi saki baha mana Melkisedek ra yaban.

Blasi Sturka 21:33

Bâra Ebraham bui Beerseba ra tamaris dusa kum mangki, bara witin Dawan Gâd rayakira ra ai pura sunan.

Blasi Sturka 28:17

Witin sibrin daukan bara lukan: “Naha tasbaya na holi pali sa Gâd watla ba nâra sa; ¡naha na lika kasbrika pura durka!”

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

Blasi Sturka 35:1

Gâd bila Jekob ra win: “Bus bara naha wina mahka was, Betel ra wih bahara iws. Man muihkam Isau wina sîa plapi kapram, Gâd bui man ra param takan ba tasbaya ra. Bahara man puram sunaia altar kum paskma.”

Blasi Sturka 35:7

Bahara witin altar kumi paskan, bara tasbaya nina ba Betel Gâdka mâkan. Witin ai muihni wina sîa plapi kan bara bahara sika Gâd bui witin ra param takan ba.

Blasi Sturka 47:24

Plawar mâ dâkisma piua ra, mâ nani sut krikuma ba wina, mânka matsip ba king ra yabi kama. Bara baha wina kau tâka swin ba wina saumuk ba sâkma ba ra, man nani patam sin brima, bara tamya nani pata sin brima.

Blasi Sturka 47:26

Baku Josep Idsip tasbaya aiska ra lâ mangkan, upla sut insla dâki ba wina baha mânka matsip ba king fero ra yabi kabia. Bara baha lâka ba naiwa kat ban kulkisa; sakuna prîs nani lika tasba lal mana aibapras, kan witin nani ai tasbaya ba lika king fero dukia apia sa bamna.

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.