Blasi Sturka 28:18 - DAWAN BÎLA AISKA

¹⁸ Bara Jekob baha yua titan pali pat buan, bara baha walpaya ra ai lal kahbi bri yapata ba brin, bara buki bapi purara batana laiki baku tasbaya ba ra sain kum dauki swin.

Blasi Sturka 28:18 ပူးပေါင်းရင်းမြစ်များ

Blasi Sturka 21:14

Bara Ebraham baha yua wala titan pali ra buan, bamna plun bara lî sin brin sîp taya batilka ra, bara Agar ra yaban ai pahpaya ra sunan, bara tukta Ismael ba sin witin mihta ra yaban lakula dauki, bara witin nani taki wan, Beerseba upla iwras tasbaya ra. Anira auya ba ai tânka briras aimawahki tauki kan.

Blasi Sturka 22:3

Bara Ebraham titan pali buan, mahka ai birikuka ba satil mangkan. Sakripais daukaia pâta nani ba baikan, bara Gâd mita witin ra marikaia win yaba tasbaya kaikaia taki wan. Ai luhpia Aisak ba brin bara ai albika nani wina sin wâl aikuki brih wan.

Blasi Sturka 28:11

Plis kum kat wan, bara tihmia bahara takaski yapan, yu pat diman kan bamna. Tasbaya ba ra walpa nani bâra kan bara walpa kum brih bahara ai lal kahban, bara aitniki mahka yapan.

Blasi Sturka 31:13

Betel ra Gâd bui man ra param takan Dawanka ba, baha ba yang sika, bahara man baha walpaya purara batana laiki puram suni yang ra pramis takram ba. Bamna nanara naha tasbaya wina bus. ¡Kaisa! Man aisubi takram ba tasbaya ra kli tawi was.’

Blasi Sturka 31:45

Bara Jekob walpa tara kum brih bara walpa playka kum bapan,

Blasi Sturka 35:14

Bara Jekob walpa kum brin, bara Gâd wal bûi aisi kan ba pliska ba kat, walpa playka kum bapan. Bara playa bapan ba purara wain laya bara batana laya sin laiki Dawan ra ai pura suni swin.

Blasi Sturka 35:20

Bara Jekob ai maya raitika purara walpa ni paskanka kum paski mangkan, bara Raquel raitika ra baha walpa ni paskan ba mita, naiwa kat ban kaikisa.

2 Samuil 18:18

Absalón kau raya kan piua ra, witin ai lilka kum walpa ni yan daukan king tasbaya langnika ra, baha ra ai nina ulban, witin ba luhpias kan ba mita baha yan daukan. Bara nanara kat ban baku mâkisa ‘‘Absalón lilka’’.

Lawana Nani 119:60

Yang aihni munri, takaskras kira, man lâmka bîla nani ba bri daukaia.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Aiseya 19:19

Baha yua ra Idsip tasbaya lila kat Dawan dukia altar kum daukbia, kuntri tasbaya piarkika ba kat walpa tara kum paskbia Dawan ra pain kulkan lâka yabaia.

Kulki Kaikanka 7:1

Baku bamna, Moses tint watla ba buki mâki danh takan ba ra, altar ra kan ba sut, utla bara diara nani bilara kan ba, purara batana laiki holikira daukan.

Jasua 4:9

Baha purkara Jasua sin witin nani ra win, kli walpa wala 12 awala lilara prîs nani Dawan lâka auhbaia watla brih bûi kan ba kat asla duki swibia. Baha walpaya nani ba naiwa kat dîa swin ba baku ban bâra sa.

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”