Blasi Sturka 28:16 - DAWAN BÎLA AISKA

¹⁶ Jekob ai yapanka wina rawi buan ba ra, witin naku win: “Dawan ba naha tasbaya ra nâra sa, yang tânka briras kapri.”

Blasi Sturka 28:16 ပူးပေါင်းရင်းမြစ်များ

1 King Nani 3:15

Bamna Salaman yapi si kupia krawan buan, bara ai dahra walan baha ba yaprisauhkan kata. Bara witin Jerusalem ra bal Dawan lâka auhbaia watla ba mawanra buan, bara kli wal wan uplika takaia bara aiska angkan ba daukan, ai albika nani sut dukiara pata tara kum sin daukan, sakripaiska kîa yamni ba daukan. Baha ningkara ai albika nani sut dukiara plun tara kum sin daukan.

Job 33:14

Gâd lika natka ailal ra aisisa, sakuna yawan mita baha tânka briras sa.

Job 9:11

Gâd ba laimak bal lubia kaka sin yang sip kaikamna apia; tnaiya ra lui wabia ba ra sip sin tânka briras kamna.

Lawana Nani 139:7

¿Yang ansara wamna man spiritkam âpu kabia ki? ¿Ansara sin yang plapamni, bahara man ai kaikras kama ba?

Lawana Nani 68:35

Gâd ba pranakira sa ai tintka watla holikira ra; Israel Gâdkam ai karnika yabisa ai uplika nani ra. ¡Dawan ba yamni pali kabia!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Impakan Sturka 3:4

Dawan kaikan Moses ba kau ai lamara aula, bara witin kiaya dusa ba tila wina witin ra wini, naku win: —¡Moses! ¡Moses! Bara Moses pana aisin: —Yang nâra sni.

Impakan Sturka 3:5

Bara Dawan bui Moses ra aisin: —Kau laimara balpara. Sûskam ba minam wina sâks, tasbaya minam taibi sma ba sunu sa bamna.

Aiseya 8:13

Karnika sut bri Dawanka ra man nani holikira kulks; man nani sibrinkam ba witin ra kabia; man nani bui witin ai mawan sîa bri bas.

Jirimaya 31:26

Naha ni rawi buri bara naikra kwawan. Yapri ra kaikri ba yamni ai win.

Kulki Kaikanka 12:6

Bara Dawan bui witin nani ra naku win: “Man nani ra yang aisisna na wals: Man nani tilamra prapit bâra ba piua ra, yang lika witin ra param taki aisisna, diara aihka kaiki bâk.

Jasua 5:13

Yu kumi, Jasua Jeriko tawanka lamara bûi kan, witin ai lamara kaikan waitna kum sord kum ai mihta ra alki bri ai mawanra bûi kan. Jasua kau witin ai lamara dimi wan, bara waitnika ra makabi walan: —¿Man ba yawan uplika nani kum sma, apia kaka wan waihla nani wina kumika sma?

Jasua 5:15

Bara Dawan daknika aiklaklabra nani pura wihtka ba bila witin ra win: —Sûskam ba daiks, baha tasbaya ra buisma ba holi sa bamna. Bara Jasua dîa win ba kat daukan.