Blasi Sturka 27:35 - DAWAN BÎLA AISKA

³⁵ Sakuna Aisak pana aisi witin ra win: —Man muihkam balan, bara kunin ai muni yamnika man ra maikaia bri kapri ba brih wan.

Blasi Sturka 27:35 ပူးပေါင်းရင်းမြစ်များ

Blasi Sturka 27:33

Aisak kasak pali sirang iwan bara ai bîla baikra tara aisi, win: —Bamna ban kaka, ¿ya kata witin unta ra wih daiwan iki plun auhni dauki bri sal aikan ba? Man kau balras kapram ba kainamra, yang baha sut pat piri, bara yamnika sin pat yabri, bara witin nanara baha yamnika ba brin.

Blasi Sturka 29:25

Jekob titan buan bara ai dara walan kaikan witin Lea wal yapi lalawan ba, bara witin Labán mapara karna aisin: —¿Naha dîa man bui yang ra daukram na? ¿Yang Raquel briaia dukiara man warkkam takri apia? ¿Bamna man dîa muni kunin ai munram?

2 King Nani 10:19

Baku bamna, Baal prapitka nani ba sut paiws balbia, witinka ra mayuni nani bara prîska nani ba sut, kumi sin takaskbiara, kan yang lika Baal ra mayunaia dukiara sakripais tara kum dauki brisna. Ani uplika balras kabia kaka, sip pali raya kabia apia. Jehú ba tânkira pali daukan, baku muni Baal ra mayuni nani kan ba sut âpu daukaia dukiara.

Job 13:7

¿Man nani lukisma ki, kuninkam aisi banhwisma ba kuninka ba mita Gâd tâwan aisisma? ¿Man nani kunin aisisma ba kuninka ba ni Gâd dukia daukisma?

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Malaquía 2:10

¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia? ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa?

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.