Blasi Sturka 27:28 - DAWAN BÎLA AISKA

²⁸ Bamna Dawan diwas laya kasbrika pura wina maikbia, tasba wina mâ kau yamni nani ba ailal, plawar, wain mâ ailal,

Blasi Sturka 27:28 ပူးပေါင်းရင်းမြစ်များ

Blasi Sturka 27:37

Aisak pana Isau ra win: —Nanara wals, yang pat Isau ba man wihtkam kaia mangkri sa. Ai muihni nani sut ba sin, witin ai warkka dadaukra nani kaia. Aya mâ, wain mâ ailal bri kabia. Luhpi, ¿bamna nanara yang kau dîa man ra maikamna ki?

Blasi Sturka 27:39

Bara Aisak naku aisi witin ra win: “Tasba disang nani wina laihura iwi kama, lî pura wina auhi ba wina sin laihura.

Blasi Sturka 45:18

Bara ai aisika ai taya nani ba yang ra bri balbia. Idsip tasbaya wina diara kanra yamni ba yang bui witin nani ra yabamna; plun kau auhni naha tasbaya ra mangki saki ba wina, witin nani ai pata pibia.

Blasi Sturka 49:20

“Aser lika, plun ailal pali saki kabia. King nani ra, king pata pali ba yabi kabia.

Blasi Sturka 49:25

¡Tingki man aisikam Gâdka ra, witin bui man ra hilp mai munbia bamna! ¡Karnika sut bri ba Gâdka ra, witin yamni mai munbia! ¡Laih purara yamnika bâra ba, yamnika ba wal, yamni mai munbia! ¡Kabu ra yamnika nani bâra ba yamnika ba wal sin! ¡Tialka laya manis bâra ba, tukta yapti biara sahwaia yamnika ba wal sin!

2 Samuil 1:21

“¡Guilboa ilka nani, man puramra diwas laya kli kauhbia apia, lî sin auhbia apia, pruan nani langnika takram bamna! Bahara karnakira nani kan kahbaika nani baha nani ai mina ra taiban. Baha ra Saúl kan kahbaika ba siksa takan.

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 5:11

Salaman bui Hiram ra yabi kan ai uplika nani dakakaia, plawar mâ baril 4,400,000 yan, bara batana laya oliv wina daukan 4,400, naku yabi kan Salaman bui Hiram ra mani bani.

2 Kronikas 2:10

Sakuna man naha bîla kaiki bas plun blikaisna ba, dus tara nani klaki wark taki nani ba dakakaia: 4,400,000 batil plawar, barli mâ sin 4,400,000 batil, 440,000 batil wain, baha purara sin batana laya ba sim numbika.”

Lawana Nani 104:15

Plun ba upla ra karnika yabisa, wain ba upla rayaka ra lilia yabisa, bara ai mawan ba kau lipisa batana baku.

Lawana Nani 133:3

Hermón ilka diwaska laya ba baku sa, Saion ilka nani purara kauhisa. Bahara sika, Dawan ai yamnika blikisa ai yamnika raya kaia lâka ban kaia ra ba.

Lawana Nani 36:8

Man wamtla ra plun ailal pura lui ba pih, witin nani ai âuyapah pali sa; man sin witin nani ra, awala kum wina kau lilia wan saki ba laya ba dauki dakakisma.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 3:20

ai sinska lâka ni daukan kabu ba baiwi takan kaia, bara kasbrika nani ba wina sin diwas laya tahwi ba.

Aiseya 45:8

“Yang pura luaia karnika ba blikamna, diwas laya baku kasbrika pura ba wina, bara lî auhbia kasbrika nani ba wina bara tasba ba bribia; mâ baku bal takbia swak takan lâka ba bara ai tnaya ra urhwi takbia kasakka lâka ba.”

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Joel 2:19

bara Dawan bui witin nani ra win: “Yang bui man nani ra plawar mâ, wain mâ, oliv mâ batanka laya sin blikamna, man nani âmyapah takma ba kat; bara idan nani ba, swirka kli man nani lamwaska kiki kabia apia.

Miqueas 5:7

Jekob uplika nani baha aiklabanka nani tilara, pruras kau raya swin nani kabia ba lika, sim diwas laya bara lî tasba purara buski ba baku kabia, waitna lukanka wina lika apia sa.

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Sakaraya 9:17

¡Baha kuntrika ba nahki yamni, nahki pranakira kabia! Plawar, wain ailal bri ba mita, ai luhpia waitna bara ai luhpia mairin nani ba pranakira pain pâwi kabia.

Kulki Kaikanka 13:20

tasbaya ba ra diara pain pâwisa sapa, tasba mahsis sa sapa sin, tasbaya ba ra dus nani bâra sapa, dus nani âpu sapa. Man nani si bripara; tasbaya dusa mâ nani wirâ brih bal. Kan baha piua ba lika wain disang mâ dâkaia piua kata.

Kulki Kaikanka 18:12

Baku sin yang maikisna, Israel luhpia nani mani bani mâ tawahkia sal aiki ba, batana kau pain aiki ba, wain kau pain ba bara plawar mâ kau pain nani aiki ba sin.

Roman 11:17

Bamna tila Ju nani ba lika, sim oliv dusa tnawa nani kan klaki saki, man oliv dusa tnawa wail katma ba, baha nani watlika ra mai mangkan sa. Baku sika wakia pali ba wina dukiam briram, bara oliv dusa rayaka pali ba ra sin.

Kli Smalkanka 32:2

“Yang smalkanki ba lî baku auhbia, yang lukanki asla dauki aisamna ba diwas baku kabia, prata nani ra lî sikwan baku, lî tahwan baku twi purara.

Kli Smalkanka 33:13

Josep dukiara aisin: “Dawan bui witin tasbayam ba yamni munbia, kasbrika purara ba wina diwas kau pain ba ni, bâra lî tasba mununhtara bâra ba ni sin,

Kli Smalkanka 33:28

Israel ba kasak luki tniwi kabia, ai kiamka nani sut kupia kumi ra lâka ra iwi kabia. Ai tasbaya ra plawar nasla nani bara wain nasla nani bâra kabia, kasbrika purara ba wina witin nani ra lî auhi ban kabia.

Kli Smalkanka 7:13

Man nani ra latwan mai kaikbia, yamni mai munbia bara man nani ailal sahwi kama; luhpiam nani ra, plawarkam mâ ra, wainkam ra, namsla ra mâ krikaia ra, plawarkam mâ, wainkam bara batankam laya, bîpkam bara sîpkam luhpia nani ra yamni munbia, kuntrikam almukka nani ra yabaia win ba ra sin yamni munbia.

Hibru Nani 11:20

Kasak lukan lâka mita Aisak mita Jekob ra bara Isau ra sin, naika balaia yamnika nani pramis munan.

Jasua 5:6

Israel luhpia nani ba upla iwras tasbaya bâk 40 mani watauki kan bamna, war aiklabaia manka bri kan waitnika nani ba sut pruan. Baha waitnika nani ba Dawan lâ daukan bîla ba wali daukras kan, baha mita Dawan bui witin nani ra swer taki win, tasba ai damika nani ra yabaia win ba tasbaya ra baha nani dimbia apia; baha tasbaya ra sika tialka laya bara nasma laya lî laiwi baku laiwisa.