Blasi Sturka 26:3 - DAWAN BÎLA AISKA

³ Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 26:3 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 13:15

Tasbaya aiska man kaikisma na, man dukiam bara kiamkam nani dukia maikisna ban kaia ra.

Blasi Sturka 13:17

¡Nanara, bus bara tasbaya aiska yarika bara bîla yahpika nani ba sut wapi kaiks, kan yang bui man ra maikaisna bamna!”

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Blasi Sturka 17:8

Kenan tasbaya ba man ra maikamna bara witin nani ra sin yabamna. Nanara man bâra iwisma tasbaya ba man prapatikam ban kabia; bara yang lika witin nani ai Gâdka kamna.

Blasi Sturka 20:1

Baha tasbaya ra bâra kan ba wina, Ebraham witin Négueb tani ra impaki wan, bara Cadés wihki Sur wal bilka ra takaskan, baha wina tisku Guerar ra wih iwan.

Blasi Sturka 25:11

Ebraham pruan ba ningkara, baha liwanhta nina “Witin raya bara ai kaiki ba” baha lama kat Aisak iwan, bara Dawan bui witin ra ai yamnika yan.

Blasi Sturka 26:12

Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Blasi Sturka 26:14

Sîp nani, bîp nani bara ai albika nani sin ailal bri kan ba mita, filisteo uplika nani mita witin ra tuman lâka brin.

Blasi Sturka 26:24

Bahara tihmia ra Dawan ba witin ra latan takan, bara win: “Yang sika man aisikam Ebraham Gâdka, man si bripara, kan yang lika man wal sna, yang naipakan Ebraham dukiara luki yamniki maikamni bara kiamkam sin ailal daukamni.”

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Blasi Sturka 31:3

Bara Dawan bui Jekob ra win: “Man aisikam nani tasbaya ra kli tawi was, tamya nani bâra ba tilara, bara yang lika man wal wamna.”

Blasi Sturka 35:12

Ebraham ra, Aisak ra tasba yabri tasbaya ba, man ra sin maikisni, bara man ninamra kiamkam nani ra sin tasbaya ba yabamna.”

Blasi Sturka 39:2

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

Blasi Sturka 39:21

Dawan ba Josep lamara kan, ai kupia yamni lâka ba ban mariki kan, bara sin daukan silak watla wihtka ba ban Josep ra yamni lukaia.

Blasi Sturka 48:21

Baha ningkara witin Josep ra tawi win: —Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia.

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

1 Kronikas 16:16

Ebraham wal lâ daukan ba, Aisak wal aisi daukan ba,

Lawana Nani 105:8

Kiamka tausin lui wabia kra, dîa pramis daukan lâka ba, ai âuya tikbia apia;

Lawana Nani 105:9

Ebraham wal lâ daukan ba, Aisak wal swer daukan ba sin.

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Lawana Nani 39:12

“Yang puri sunra wals, Dawan, ¡inanki ba kiamam pri tniki wals! ¡Baku sin yang naikra laya nani kaiki sâp kapara! Yang na man ra tringsar kum baku sna; piawira kum lui auya baku, damiki nani lui wan baku.

Impakan Sturka 2:24

Bara witin ai kupia krawan Ebraham, Aisak bara Jekob aikuki lâ daukan lâka ba dukiara.

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Impakan Sturka 6:4

Baha purkara sin, witin nani wal lâ kum daukri, pramis munri Kenan tasbaya ba witin nani ra yabaia, baha tasbaya ra witin nani tringsar baku pat piua wiria lupia iwi kata ba.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Impakan Sturka 6:8

Ebraham ra, Aisak ra bara Jekob ra yaia pramis munri ba tasbaya ra mai brih wamna, bara tasbaya ba man nani dukiam maikamni. Yang sika Dawan.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Aiseya 43:5

Si bripara, kan yang lika man wal sna; man kiamkam ba lalma wina bri balamni, bara muna wina asla mai kukamna.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 34:4

Bara Dawan bui witin ra win: “Naha kuntrika sika yang bui Ebraham ra, Aisak ra bara Jekob kiamka nani ra sin yabaia swer takri ba. Man lika dimma apia, sakuna laih wina kaikma.”

Pilipai 4:9

Diara nani man nani ra mai smalkri ba, maikatna ba, diara nani yang aisari walatma ba bara daukri kaikatma ba sin, baha sut dauki bas; man nani baha dauks, bara kupia kumi Gâdka ba man nani wal kabia.

Hibru Nani 11:9

Kasak lukan mita, Ebraham ba Gâd mita witin ra pramis munan tasbaya ba ra wih iwi kan, witin ba upla tringsar kum baku. Witin ba kiamp watla nani ra dimi kan, bara Aisak bara Jekob wal sin baku iwi kan, witinka nani sin baha pramiska brin kan ba.

Hibru Nani 6:17

Gâd want kan baha nani ra diara pramis munan ba briaia ba ra, param pali marikaia witin dîa daukaia luki kan ba sip pali lakras kan bara wilin kan baha kat daukaia; ba mita witin ai pramiska ba swer taki kira daukan.